甜甜咖啡 (Closed)

都成三個月冇黎呢度食，今日機緣巧合之下去左呢度食午餐。去到都仲有早餐食，但我地都係食午餐。點知佢地話要煲湯，等四個字到。不過無乜問題既，耐小小都值得去等。我地叫左個天使麵同牛扒。牛角包新鮮整好，好脆口，又唔算太油。好好食，有無多舊比我食呀？忌廉湯佢地要即刻煲，所以好新鮮。個湯好濃，完全同出面果既無得比。我最鍾意食面頭既麵包粒，新鮮炸好，夠哂金黃黑椒牛扒個汁好夠辣，牛扒好大件。肉味又夠，唔多落肉粉，果然係塊靚牛扒。而薯菜係炸薯仔，個皮好脆口，配上紅椒粉，認真一流。蒜蓉蜆肉天使麵呢隻係炒天使麵，麵好爽口彈牙。蜆肉都幾多，最好睇都係個賣相。夠哂colourful。整體既味道唔錯既，但我都係鍾情於忌廉汁天使麵。凍朱古力好普通既飲品，但今次沖得甜得滯。呢間餐廳既水平都保持到，實有下次既。