海悠

Open Now

Now Closed

夜晚7點第一次去熟食檔試下食飯，揾到1間有冷氣，立即問有無位入去試下，可能係食私房菜，無得幾多樣野揀，炒菜都無得用qr code 落，要口頭落單問下有無係無啦，最出名炸子機又售罄，只有d 碟頭飯同魚生盤。好快咁落咗單2個飯，張單都好快比咗我地，但眼見遲嚟2枱客都有得食，我仲未有得食，都成半個鐘，咁未叫姐姐問下，佢話已經催咗廚房，唔夠5分鐘內，應該個老細拎咗張單睇下，話唔好意思廚房原來無呢張單，比著好肚餓既人同等咗一段時間既人嚟講，好嬲，問咗未煮後就立即走人。真心好離譜，個待應都應該留意下客人等咗咁耐都做下野啦，又唔係好多枱。下次唔會再試。