風味館海鮮私房菜 (Closed)

今晚係九龍城等老友收工，想搵間可以坐得舒服，坐得耐嘅地方傾下計，無意中路過打鼓嶺道間風味館私房菜，係門口比店外嘅易拉架吸引咗，啲小菜圖片好吸引，就不再考慮之下入去坐下等老友啦！今晚全部都選擇咗有手指公推介嘅小菜作為兩個女人仔嘅晚餐！上枱就有碟腰果小食，見佢炸得不是太燶又不太油，就試下啦，點知一食落口，就停不到口，因好脆口，最重要不油不益，不會放得太耐變淋咗主菜上枱啦，古早醬油黑叉燒，同一般街外叉燒比贏足幾條街！一層肥，一層瘦，一層小肥，簡直天仙配，而且個皮少少脆，少少貼，好有趣！第二個小菜上枱，九轉大腸，有啲似炸大腸，但不同之處，係有青，紅椒一起炒，而且形狀係圓餅型，食落囗不會好似炸大腸乾爭爭！第三個小菜叫風味館小炒皇，一般店會炒到好大碟，得個樣，但風味館就與別不同啦，雖然不會大大碟，但啲配菜切得好細緻，還有崧子粒呀，托底係脆卜卜的脆條，真的不油膩，掂還叫咗碟風味四小碟之七色脆豆腐伴啤酒，豆腐外皮炸得脆，內裏滑溜溜，又係好味小吃！還有甜品送，今晚係腰果露，不太甜，幾好味！除了以上餸菜好味之外，環境都好乾浄，而且服務人員態度十分良好，每個都有笑容，而且還會主動同客人閒聊一番，比十個叻叻大