風味館海鮮私房菜 (Closed)

This is our second time. 1st time we went in with hesitation cause it was too clean and neat for a stir fried restaurant, but i was wrong, the food was amazing, the service was absolutely top notch! I couldnt believe my eyes, since normally in these kind of restaurants you will get yell at. The price was on point too. Not expensive at all. The tableware was surprisingly clean, no need to rinse with tea. Oh, the dark soy sauce char siu is delicious and the fried rice with salted fish and chicken

朋友生日想食小炒，經朋友介紹下我們決定試試九龍城風味館私房菜，他們的套餐非常吸引！我們叫了半席海鮮超級套餐！知道他們有蝦多士與椒麻手撕雞是他們其中招牌菜所以也各要一客，因為不是太多地方有蝦多士懷舊小吃所以也要了一客！味道不錯！椒麻手撕雞也夠椒麻，ok!海鮮套餐九道菜，但味道是一般，不算太特出，但以這價錢來説算十分合理，如果一大班朋友叫一席是十分經濟實惠！最欣賞他們的服務態度！每一位員工也很親切款待客人！

人生到訪九龍城的次數好像就只有五六回, 對於我來說, 九龍城就是泰菜, 糖水和潮洲菜的對等號, 經推介後才知道原來還有間不錯的私房菜, 也很感謝她幫忙留位和預留菜膳。在當晚的六餸一湯裡面, 有兩樣是蠻深刻的, 當中就包括了這窩鮮甜的湯蔘玉竹魚湯沙蔘玉竹魚湯：用上了清熱又滋潤的沙蔘玉竹來煲魚, 再加上杞子等佐料熬成湯, 用料很足, 湯頭十分鮮甜。除了鮮魚湯, 所給的湯料也不少, 魚件肉片不靭不柴, 杞子的甜味還在, 整體窩湯很讚也很甜鮮。馬友蒸肉丸：除了魚湯, 另外一樣很喜歡的就是這碟肉丸子, 海魚馬友, 原本就是骨刺少細肉多, 現在只挑出魚肉再混搭豬肉做絞成泥狀打成肉丸, 真的名符其實就是「入口啖啖肉」, 鮮甜細潤的馬友, 有嚼勁的豬肉, 鮮肉味濃, 加點蔥碎菜末, 佐以豉油簡單的清蒸, 吃的就是最原始的鮮味。椒鹽鮮魷：至於其他餐點也做得不錯, 就比如說這碟椒鹽鮮魷, 炸得香口又帶點辣意, 十分惹味, 只是有點不夠脆身, 但是裹著的皮粉雖然略為軟淋但也算好吃, 即使冷掉了, 味道和口感也沒有掉落多少古早醬油黑叉燒：黑醬油叉燒的做法與一般的不同, 汁醬調得不錯, 汁稠味濃, 皮面少少脆邊

放工約咗honey同朋友黎呢度食晚飯，當然一早已經先上網望下有乜美食。七點半收工黎到，九龍城餐廳地段，餐廳裝修算舒適好坐唔擠迫。無時間限制，邊食邊傾，食得無壓力。呢度d小菜果然一如餐廳名，有風味。蝦多士隻蝦算偏大，橙色紋理清晰，身入口爽口，啖啖肉，多士唔油，炸得脆口，蝦食得出新鮮。肉餅味道也不錯。牛柳粒，牛柳份量算多，好惹味，蒜片都好香。椒鹽豆腐，外脆內軟，好滑，好夠椒鹽味，美味。食小菜，呢度係好選擇。

慶祝升職，搵地方同屋企人食晚飯，揀咗去九龍城方便近屋企，去呢度食鷄煲，個鷄煲好大煲，份量都幾多，雞肉入曬味，好惹味，成個煲都好香，雞肉夠滑，皮又夠彈牙，好味！！除左雞煲仲有其他選擇，叫咗個咕嚕肉，賣想唔錯，肉質幾好，多汁，像五花腩，味道十分可口！！另外，叫咗好特別嘅脆皮牛坑腩，整件坑腩肥瘦均衡，瘦肉入口不太靱，肥肉當然更香口。咀嚼時，肉汁豐富，絕對唔會乾晒水。我同屋企人係咁食係咁食，一路話好味，好味，好滿足。

好想食小菜同啤一啤，一班人打完波途經九龍城附近，見到風味館d小菜幾吸引，所以去排一陣位，等位期間已諗定想食乜，有位馬上落order。一坐即刻先黎支啤酒，啤酒夠凍，入口特別冰涼。叫咗好有特式嘅脆皮牛坑腩，呢個菜唔係周圍有得食，整得好味又好考功夫技巧，呢度嘅牛坑腩味道好好，外皮係好脆，入面煙韌有膠質，有牛腩嘅質感，外脆內軟，配埋醬汁酸酸甜甜都好開胃，推介！！蝦多士望落去非常乾身，一口咬落去非常脆口，好味！！兩度菜新鮮即整，記住襯熱食脆口快食。肉餅都好好味。菜式有特式，有鑊氣，好味抵食，環境好適合大班朋友飲啤酒飯局！！

朋友係附近住，極力推介呢間「風味館海鮮私房菜」，自己望下餐牌，覺得真係好多選擇同菜式有特式，所以就同佢一齊來試下。我地七點半就到左，好彩朋友有訂位，週末關係，因為坐多半個幾鐘已經FULL哂，出面有人係度等緊位。鷄未黎之前我地叫咗個老火靚湯，花生鷄腳湯，好大煲，好多料，湯好甜，我地連湯料鷄腳都食哂，補充骨膠原。我地點咗鷄煲，果然有圖有真相，無諗過個$38嘅鷄煲會咁大煲，非常難以至信$38咁真材實料，絕不欺場，真係無額外收費！！個煲好深同好足料，裏面有好多雞，係一隻雞。四個人食一隻雞，食到好飽，個煲都幾多香料，聞落好香，食落好入味，正！！最後叫咗個菜，好爽口新鮮。非常滿意嘅一餐，朋友果然無介紹錯，會encore下次同屋企人黎！！

今日同男朋友黎試一間私房菜 平時食開日本韓國或者啲西餐 想食返啲中菜同埋有特色嘅廣東菜就嚟咗呢一間。網上Facebook 專頁有客人專誠整自家餐牌，圖文並茂👍🏻推薦比其他客人。唔寫佢嘅價錢夠貴所以可以吸引到好多訊息中等價錢嘅客人嚟到試食。雖然話九龍城係遠咗啲但係如果想食好嘢嘅都會知道九龍城係一個覓食嘅好地方😂✌🏻到步之後侍應好熱心咁招呼我哋有茶水提供。繼而我哋睇下周圍嘅環境都貼有好多推介嘅食物，有好多仲要係好吸引好特別出面好少有。再睇返好多粵菜都係心思菜，好考功夫。但係我地得兩個人所以就叫咗三樣菜。我哋叫咗黑醬油叉燒，九轉大腸同埋半隻雞煲。男店員好細心問我地雞煲辣既程度，而我地兩個就唔太食得辣，所以就叫左小辣。第一對相嘅就係叉燒佢個賣相好精緻，份量都好足夠！仲要係肥瘦均勻嘅叉燒👏🏻醬汁唔會太甜太鹹啱啱好👍🏻最啱用嚟送飯！雖然女朋友只係食咗一兩舊，其他都係由我食晒但係都唔會食到流。而且佢嘅肥係好似玻璃肉咁好滋味 ！另外一度就係九轉大腸你都係店員推介嘅，賣相好鮮艷，份量都啱啱好！大腸唔會有臭味，仲要係好容易入口，因為佢切得比較細！另外佢冇咩肥膏，所以又係一樣送白飯既好菜！男士送酒就一流👍🏻

親民又抵食嘅粵菜館！位置屬於九龍城，係偏入少少，但係見到黃珍珍再轉入去一條街就到啦風味館有房可以預訂房，另外仲有入圍嘅菜式比大班朋友選擇價錢合理如果一大班朋友食生日飯，平均每人都只係100至150🎈對於情侶都有套餐有二人套餐同四人套餐可以選擇👏🏻佢嘅分量足夠有有特色，體現左廣州賽嘅文化今次游車河到九龍城覓食，見到呢間中菜館就諗住試吓，坐低左之後侍應比小食我哋，有花生同埋茶飲😎由於款式太多，對於選擇困難症嘅我，當然請店員介紹招牌菜啦！有位男店員十分分熱心同好客！👍🏻同我地逐一介紹值得一試嘅菜式😀最後我哋選擇左三款第一九轉豬大腸，第二黑醬油叉燒，第三麻辣雞煲店員仲好細心問我哋想要辣嘅程度，我哋就選擇左小辣。九轉豬大腸好邪惡🤦🏽‍♀雖然女士食嘅話會覺得有少少罪惡感，但我就忍唔住😁一口接一口咁食送飯一流豬大腸肥瘦啱啱好炸得卜卜脆另外叉燒係較厚身，又係肥瘦叉燒，所以食落去個口感好豐富！另外佢油脂重但係都係好好味用嚟送飯簡直無得頂😱佢呢個黑醬油叉燒係平時出面一定食唔到嘅因為係大廚精心研究出嚟！大家如果去試食一定要叫呢個叉燒！另外雞煲辣味適中，雖然我自己唔啱食辣野，但係佢會令人停唔到口，而佢個香料味

我見我同事介紹,佢地成班出去食開貴野,約左去呢個地方食生日飯,以為好好味早佢地一日約朋友仔去食,點知去到出晒事招牌叉燒,全舊都係肥糕,D醬汁味又怪,唔知好食係邊,肥糕得滔滔先識食,我唔識我平時最鐘意飲湯,但呢個湯又稀又腥,我唔識欣賞龍蝦伊面,比出面食差D,普普通通好大陣草青味,唔好食第一次食苦既蠔,用萬年油炸我地6個人都覺得苦,真係食唔落咬左一啖,咬唔到第二啖一般差,粉絲仲硬,完全未熟都上黃金蝦,好特別,係將蛋黃淋落隻蝦上面分體式上,味道尚算OK,但口感好怪呢餐要$2000老實如果$1000我都唔食,我寧願食美心快餐

今晚同媽咪，佢啲朋友一齊去咗九龍城開飯！其中一個姨姨推介去風味館食，因佢話個古早醬油黑叉燒真的要食，見姨姨極力推薦，就必定要食啦，果然冇介紹錯，真的好好味，外層甜甜地，好惹味！叫咗個紅燒豆腐，啲豆腐好香，好滑，又不會太多獻汁，一撻撻叫咗個啫啫芥蘭，芥蘭好甜，上枱自己撈時，個煲仲熱騰騰，有聲發出，正叫咗個麻辣手撕雞，不是太辣，雞肉好滑，不是油浸手撕雞椒鹽鮮魷炸得好香口，最重要是個醬粉不厚，不會只食到炸粉，食不到魷魚！小小辣，幾惹味！今次姨姨冇介紹錯，店內每款小菜都好好味！

友人說九龍城開了家新小菜館,叫我一起去試試. 看食評網的小菜照片也像樣,就即興找來幾個好友來試試. 優惠雞煲$38絕不欺場,份量很多,而且雞件夠入味,夠麻夠辣.那個叫'黑叉燒'的東東幾有趣想試. 吃下去味道甜甜的很特別,幾好吃,不過部位就不像是一般做叉燒用的梅頭,似腩肉多一點.其他菜色也很有驚喜!! 炸大腸外脆內軟夠大件有咬口,香脆軟糯,太好吃了!!!! 炸白飯魚很肥美,從來沒見過如此粗壯的白飯魚,而且也炸得十分鬆脆,很好吃!! 小小的焗魚腸原來是沒有蛋,幾乎全是魚腸魚潤,吃得很滿足啊!! 馬友蒸肉丸咸香肉又鬆軟,又是佳作! 連本來平平無奇的炸雞軟骨都特別鬆脆有淡淡美極香味! 咕嚕肉酸甜味平衡得很好,外面還是脆脆的!! 很好吃!!!羊腩煲味道不錯,有皮腩肉不少,份量很足!!蝦醬蒸腩肉送酒佳品!!咸魚煎肉餅煎得十分香口,又是送酒良友!!這裡免開瓶收一時,絕對是宵夜及酒鬼聚會的好地方!!

今晚係九龍城等老友收工，想搵間可以坐得舒服，坐得耐嘅地方傾下計，無意中路過打鼓嶺道間風味館私房菜，係門口比店外嘅易拉架吸引咗，啲小菜圖片好吸引，就不再考慮之下入去坐下等老友啦！今晚全部都選擇咗有手指公推介嘅小菜作為兩個女人仔嘅晚餐！上枱就有碟腰果小食，見佢炸得不是太燶又不太油，就試下啦，點知一食落口，就停不到口，因好脆口，最重要不油不益，不會放得太耐變淋咗主菜上枱啦，古早醬油黑叉燒，同一般街外叉燒比贏足幾條街！一層肥，一層瘦，一層小肥，簡直天仙配，而且個皮少少脆，少少貼，好有趣！第二個小菜上枱，九轉大腸，有啲似炸大腸，但不同之處，係有青，紅椒一起炒，而且形狀係圓餅型，食落囗不會好似炸大腸乾爭爭！第三個小菜叫風味館小炒皇，一般店會炒到好大碟，得個樣，但風味館就與別不同啦，雖然不會大大碟，但啲配菜切得好細緻，還有崧子粒呀，托底係脆卜卜的脆條，真的不油膩，掂還叫咗碟風味四小碟之七色脆豆腐伴啤酒，豆腐外皮炸得脆，內裏滑溜溜，又係好味小吃！還有甜品送，今晚係腰果露，不太甜，幾好味！除了以上餸菜好味之外，環境都好乾浄，而且服務人員態度十分良好，每個都有笑容，而且還會主動同客人閒聊一番，比十個叻叻大

九龍城--一個滿有情意結既地方。大學時代，幫一對小姊弟補習，佢地就係住係嘉林邊道。果時返學又係浸大，放學就去九龍城，差不多每日都係九龍城出沒，留下唔少腳印。不過畢業出黎工作後，補習老師既身份就要放低了；而九龍城呢個地方亦甚少踏足了。今日同媽咪話要去九龍城街市買餸煮新年飯！令我重遊九龍城大半日。夜晚同媽咪逛逛，見到呢間風味小館就入去試下。先黎個啤酒 同媽咪啤啤佢先兩母女的浪漫 哈哈。呢度個頭盤小食我超中意～～係酸酸甜甜既醃漬物同埋鮮炸蜜糖合桃。個合桃超香脆可口，真係想再encore!!又抵又足料雞煲！！唔係講笑，香味撲鼻。起初見到顏色偏淺，仲估計佢會淡味d. 點知 ....有驚喜雞件切得細細件 入口岩岩好 容易咬。花椒八角味重，感覺足料因為我同媽咪都係嗜辣之人，我地點左大辣，絕對無令我地失望！夠香 夠辣 夠熱好味！同媽咪打酒談心食雞煲，好溫馨既晚上 嘻嘻先黎個啤酒 同媽咪啤啤佢先

上星期朋友W請食飯，去了這間飯店，老闆及經理都服務週到，經理話佢做過文華，果然有專業服務上菜都有驚喜，個牛肝菌燉湯竟然是免治豬肉，唔鞋又出味，我竟然食哂舊燉湯豬肉，好少有，而黑义燒係非一般义燒，好有東波肉feel！東星蒸得好滑，薑蔥蟹識食緊係食蔥啦！而我最愛係小炒皇，兩碟小炒都好唔同，但好好食及有心思，要讚！最後送了木瓜雪耳糖水作結！好豐富又好飽的一餐！愛鑊氣及食濃味（重口味）的一定啱！