小白屋 (Closed)

朋友仔嚷着要來，反正未試過，就轉個街角過來吃吃....又係一間俾阿蘇捧到上天嘅食肆，小弟自然信心驟降；又想起這裏响OR可謂跡近惡名昭彰，個心直頭打咗個突，未食已經怯一怯...位處如此偏僻之地，店子小小，又不收credit card，卻依舊其門如市。有時候真的不可少欺傳媒之威力...一心來吃甜品，但見其他客叫嘅主菜如意粉，望個賣相已不合格，怯上加怯...心入面安慰自己，賣相不佳不代表味道差ma。既然入咗嚟，便既來之則安之矣...跟朋友仔不約而同叫sabayon，仲要都係fresh fruit sabayon。一吃便知marsala酒下得不夠，打得又太稀身，水汪汪的，點攪 ?伴吃嘅earl grey pudding就還可以，總算吃到一點茶味，但布甸本身嘅texture還是很粗糙，不夠幼細...朋友仔吃嘅sabayon伴有一球芒果雪糕，她一吃便知是阿波羅嘅出品。如此質素，仍胆敢收你五十八大洋一個dessert ? 可怒也...都冇乜心機去試太座嘅榛子cream brulee了。聽太座講，還是不合格....每個人都講食甜品是會令人開心的。在這裏吃到的，只會令人越來越沮喪