大澳炭燒雞蛋仔叔叔 (Closed)

難得假期，同男朋友提早慶祝一週年=]於是來左大澳一日遊,,,之前上定OPENRICE，知道有檔炭燒雞蛋仔,,,於是來到大澳都唔敢食太飽，或者行太遠,,,食緊大街檔燒魷魚時已經問左個老闆，話大約1點開,,,之後我地見冇咩時間，都唔敢食午餐,,點知行來行去，桂花糕、芝麻糊食埋，都唔見佢開,,之後見到有班行山客企左o係度等，見到個疑似雞蛋仔叔叔o既呀伯行行企企，打聽之下先知有便裝食環署d人入左來,,,要等佢地走哂先開檔...一等就3點幾,,,便裝食環署d人終於走左...呀伯都開檔啦﹗排班行山客( 5、6個) 後面,,,呀伯一開檔，d人就好似嗅到味行埋來影相,,,好快就排左條龍,,,同男朋友一人一底,,,雖然我o個底因為呀伯要倒蛋漿而過時失左手，但我覺得都好過出面o個d,,男朋友o個底剛剛好，真係好正﹗不過呀伯真係型，戴黑超、手瓜超大，雖然十問九唔應，但我覺得台型十足﹗