哲平食堂 (Closed)

之前有幫襯開，食過幾次海鮮丼都好多魚生好好食。今日經過，見到人地帆立貝海鮮丼好正，我又叫左一個試，下午1點零2分落單外賣。等左二十分鐘都未有，店員主動話帆立貝唔夠（我見到枱面有三片，而呢個丼係應該有四片，即係仲欠一片），而家溶緊雪。我見到佢地放左大堆野放左係廚房洗手盆沖水。等到多五分鐘，我催下，我無表情咁講話請問幾時有，我冇乜時間食飯。佢就話即刻整。跟住好快就俾左盒我。我一出門口拎盒野出黎睇，見到啲冇乜料係上面。得幾粒魚生，同排到歪哂的帆立貝。同我頭先睇到人地叫果個飯，同埋自己一向食開都差好遠。點解見人等咁耐，明知係仲欠帆立貝，唔重點溶解一至兩個帆立貝先呢？希望餐廳製作食物工序流程可以改善。