Video
Read full review
2019-05-16
1806 views
今日專登帶埋屋企人黎食野，一早11點前就已經黎到，餐廳亦都已經開左門，於是就行入去直接搵位坐。當時店員仲好好咁帶我地坐sofa位同俾餐牌我地。我地一共4個大人加一個小朋友，所以都叫左幾多野食，不過就無叫飲品，因為都唔係太鐘意飲咖啡，不過之後我地足足等左超過40分鐘都無任何野食上黎！！期間我地問左店員幾次，佢之後先解釋因爲廚房未返齊人，所以乜都未煮得，聽到呢到真係嬲左。。。如果廚房未返到就唔好開門住喇最後等多成十分鐘先有第一個菜送上黎，係carbonara，的確係好有蛋黃味，每條意粉都俾蛋黃包住，調味都唔錯，不過似乎份量有d偏少，每個人食幾條都已經分晒蟹餅配蕃薯條，呢個菜式係唔錯既，成個餅都係蟹肉黎，拎去炸完之後更加香口，而蕃薯條炸得都幾脆軟殼蟹意大利飯，就真係只得軟殼蟹同意大利飯，意大利飯裏面係有少少蟹肉，但除此之外就咩都冇，有啲單調，而且玄學蟹份量唔係太多，感覺好細隻最後我哋仲有叫北海道帶子配雞肉，呢個菜反而係咁多碟菜式之中我最欣賞嘅，因為帶子無煮得太老，而且雞肉好嫩滑，配埋個醬汁同埋粟米一齊食，感覺唔錯不過我諗應該唔會再嚟食第二次，成餐飯我哋足足用左個幾鐘頭先食完，但係當中我哋等左
我地一共4個大人加一個小朋友，所以都叫左幾多野食，不過就無叫飲品，因為都唔係太鐘意飲咖啡，不過之後我地足足等左超過40分鐘都無任何野食上黎！！期間我地問左店員幾次，佢之後先解釋因爲廚房未返齊人，所以乜都未煮得，聽到呢到真係嬲左。。。
如果廚房未返到就唔好開門住喇
最後等多成十分鐘先有第一個菜送上黎，係carbonara，的確係好有蛋黃味，每條意粉都俾蛋黃包住，調味都唔錯，不過似乎份量有d偏少，每個人食幾條都已經分晒
蟹餅配蕃薯條，呢個菜式係唔錯既，成個餅都係蟹肉黎，拎去炸完之後更加香口，而蕃薯條炸得都幾脆
軟殼蟹意大利飯，就真係只得軟殼蟹同意大利飯，意大利飯裏面係有少少蟹肉，但除此之外就咩都冇，有啲單調，而且玄學蟹份量唔係太多，感覺好細隻
最後我哋仲有叫北海道帶子配雞肉，呢個菜反而係咁多碟菜式之中我最欣賞嘅，因為帶子無煮得太老，而且雞肉好嫩滑，配埋個醬汁同埋粟米一齊食，感覺唔錯
不過我諗應該唔會再嚟食第二次，成餐飯我哋足足用左個幾鐘頭先食完，但係當中我哋等左40分鐘先有嘢食，既然廚房未準備好，咁點解仲要開門做生意呢
Post
