Video
Read full review
2021-06-01
25272 views
提前預約都要等一個月先有得食既壽喜燒‼️相信呢間最近好hit既日本餐廳應該好多人都討論緊。雖然等到頸都長，但性價比的確高。呢間係位於中環何李活道既Sukiyaki Mori啦 😍😍 ！另外中環都仲有兩間分店架。想食既朋友仔記得早d預訂啦！Sukiyaki dinner set $680+10%，包括：1. 螢光墨魚 第一次食，鮮嫩不過有少少腥。2. 姜蓉櫻花蝦茶碗蒸 質感好滑 配以蝦既脆脆口感，有姜闢腥。3. 四塊不同部位既牛肉講下呢個套餐既靈魂人物——牛肉先，每人有四塊不同部位既牛肉，分別係：肉眼、西冷、兩個牛肩位；各有不同口感同牛味。我最愛西冷，油脂感同肉味最平均！正！我老公就最鍾意肉眼，佢覺得好滑好香，充滿油脂感。另外，我哋每人加左$100食埋牛舌。個人覺得雖然牛舌係好味，但性價比唔高，唔係好值🥲，可以不試 🤣 。將熱辣辣既牛肉放入附送既日本雞蛋汁，d肉入口後好似滑入喉嚨咁 ❤️❤️ ，好享受啊！有師傅係旁邊即場燒牛肉，我哋就un un腳等食😝！一路望住佢整，一路聞住香味，然後熱辣辣上檯即食！牛肉熟度拿捏得剛剛好，加上黎自日本既蔬菜作為配菜，好味又夠曬balance唔會膩。d菜好新鮮幾
Sukiyaki dinner set $680+10%，包括：
1. 螢光墨魚
第一次食，鮮嫩不過有少少腥。
95 views
1 likes
0 comments
2. 姜蓉櫻花蝦茶碗蒸
質感好滑 配以蝦既脆脆口感，有姜闢腥。
3. 四塊不同部位既牛肉
講下呢個套餐既靈魂人物——牛肉先，每人有四塊不同部位既牛肉，分別係：肉眼、西冷、兩個牛肩位；各有不同口感同牛味。我最愛西冷，油脂感同肉味最平均！正！我老公就最鍾意肉眼，佢覺得好滑好香，充滿油脂感。另外，我哋每人加左$100食埋牛舌。個人覺得雖然牛舌係好味，但性價比唔高，唔係好值🥲，可以不試 🤣 。將熱辣辣既牛肉放入附送既日本雞蛋汁，d肉入口後好似滑入喉嚨咁 ❤️❤️ ，好享受啊！
104 views
3 likes
0 comments
266 views
0 likes
0 comments
有師傅係旁邊即場燒牛肉，我哋就un un腳等食😝！一路望住佢整，一路聞住香味，然後熱辣辣上檯即食！牛肉熟度拿捏得剛剛好，加上黎自日本既蔬菜作為配菜，好味又夠曬balance唔會膩。d菜好新鮮幾特別 👍🏻 ，調味甜甜咸咸好突顯出肉味，而且食唔同既肉時會有唔同蔬菜既配搭，顯出心思。飯桶們有福了，因為呢度既日本白飯係任食架😁，用珍珠米煮成飯，粒粒分明，口感煙韌，送肉類一流🤤🤤！如果覺得食set裡面既肉未夠喉可以再額外加肉食，當然價錢就正價，我哋都加左兩塊西冷，雖然好好味，但我自己覺得唔太抵食啦😆。再加上後面仲有蛋飯、麵豉湯、甜品，食曬成個餐都應該夠飽架啦。
74 views
2 likes
0 comments
4. 滑蛋飯
食完肉就食埋個滑蛋飯啦。蛋煮得嫩滑，又有牛味，好正！😍
56 views
0 likes
0 comments
5. 麵豉湯
味道普通，而且有少少偏鹹。
6. 櫻花奶凍加mochi
淨係個樣已經好有簡單美，一個字：正❤️！
49 views
0 likes
0 comments
另外：
我哋加左
7. 一份西冷牛肉，睇下個個紋理同色澤，係咪見到都流曬口水呢🤤？！
8. 蘋果汁
凍冰冰用黎送熱辣辣既燒嘢食就最正啦！呢杯果汁都大杯，$40好reasonable。
51 views
0 likes
0 comments
9. 日本Suntory 啤酒
老公鍾意話唔會太苦澀。
43 views
0 likes
0 comments
Post
