泰北風味

Open Now

Now Closed

今日同同事食LUNCH，唔知食咩好，就上下OPENRICE，見有介紹。就打電話book 位同行左過去食，入到去坐其實感覺個間隔唔系幾好，因為我地唔系系正門入系系另一邊偏門入，中間就隔住左度門同正門個邊系隔開左而且系度門系關埋左的，所以好多時我地想落單都要起身行過去開門叫人入來。咁我地大約一行9個人，因為得一個鐘的食飯時間，加上附近的中學都系食晏或放學，所以我地都拿拿林落左單。我地由搭1去到搭10都未有一碟食物上到來，再望下自己隻錶都夠鐘返工。中間不停向店員詢問，都話整緊。我地有同事發現外面俾我地遲來的學生叫外賣都快過我地。最後我地真系覺得太慢，就向店員講取消order，就走左。希望可以正視下招待人客的問題，如果人手不足的話其實唔見意開多間房俾客入去，我明白呢個系繁忙時間，但我地都足足等左成九個字。或者可以話俾我地知份野大約要整幾奈等我地有個時間知道，雖然食唔到，但都覺得你地要想下解決問題，改善一下。