Video
Read full review
2021-04-05
912 views
🎀嘩！今日終於約到10年冇見嘅韓妹，最近還好嗎？老朋友梗係老地方見啦，老地方就梗係搵間chill啲嘅咖啡店啦。熊妹知道太子最近開咗間新嘅咖啡店《等》，歎杯茶，飲杯咖啡，絕對啱晒熊妹同韓妹敘敘舊啦。📌裝潢好光鮮，以白色為主，感覺好整潔。📌店舖唔算好大，有7-8張二至四人枱，但變成枱與枱之間就會坐得比較密啲。📌餐牌📋都係咖啡店嗰啲大路食物，有bagel🥯、有cake🍰、有burger🍔、有飯🍛、有意粉🍝、有all day breakfast🍱、有小食🥡、有薯條🍟，飲品就當然唔少得有沖調咖啡☕️同埋茶包🍵，全部散叫冇套餐，價錢就都係大路價，唔係特別便宜，想去Cafe休閒吓，真係想食乜都有。軟殼蟹牛油果沙律，$78熊妹韓妹都係健康人仕，沙律🥗就當然係必食之物喇。沙律菜都幾新鮮，用上橄欖油同埋沙律汁調味唔係沙律醬，成件事真係好健康。軟殼蟹🦀炸得好酥脆，size中等，蟹膏蟹肉都有，咬落去脆卜卜連殼都可以食埋就係軟殼蟹嘅精髓，連埋沙律菜一齊食冇咁油膩。牛油果🥑有半個，切片賣相好靚，熟度剛好，慢慢滲出牛油果香，呢款健康食品絕對係熊妹韓妹嘅恩物。菠蘿雞扒漢堡配Await辣醬，$98熊妹想食漢堡包🍔，仲加咗
🎀嘩！今日終於約到10年冇見嘅韓妹，最近還好嗎？老朋友梗係老地方見啦，老地方就梗係搵間chill啲嘅咖啡店啦。熊妹知道太子最近開咗間新嘅咖啡店《等》，歎杯茶，飲杯咖啡，絕對啱晒熊妹同韓妹敘敘舊啦。
📌裝潢好光鮮，以白色為主，感覺好整潔。
📌店舖唔算好大，有7-8張二至四人枱，但變成枱與枱之間就會坐得比較密啲。
📌餐牌📋都係咖啡店嗰啲大路食物，有bagel🥯、有cake🍰、有burger🍔、有飯🍛、有意粉🍝、有all day breakfast🍱、有小食🥡、有薯條🍟，飲品就當然唔少得有沖調咖啡☕️同埋茶包🍵，全部散叫冇套餐，價錢就都係大路價，唔係特別便宜，想去Cafe休閒吓，真係想食乜都有。
軟殼蟹牛油果沙律
$78
6 views
0 likes
0 comments
熊妹韓妹都係健康人仕，沙律🥗就當然係必食之物喇。
沙律菜都幾新鮮，用上橄欖油同埋沙律汁調味唔係沙律醬，成件事真係好健康。
軟殼蟹🦀炸得好酥脆，size中等，蟹膏蟹肉都有，咬落去脆卜卜連殼都可以食埋就係軟殼蟹嘅精髓，連埋沙律菜一齊食冇咁油膩。
牛油果🥑有半個，切片賣相好靚，熟度剛好，慢慢滲出牛油果香，呢款健康食品絕對係熊妹韓妹嘅恩物。
菠蘿雞扒漢堡配Await辣醬
$98
2 views
0 likes
0 comments
熊妹想食漢堡包🍔，仲加咗$10配番薯條。
一般漢堡包都會係牛肉漢堡，不過今次揀咗雞排🐥，因為見到有菠蘿配搭。
雞扒係炸的，炸皮都幾脆，不過食雞皮好肥同唔健康，所以熊妹放棄咗。雞肉都幾嫩滑，不過可能調味方面着重放咗喺外皮，同埋Await辣醬都係喺雞皮外面，放棄咗雞皮的話變成內裏嘅雞肉就冇乜味，要靠茄汁黎調調味比較好食。
菠蘿一塊🍍好Juicy，完全可以中和下食肉嘅罪惡感。
加$10配搭嘅番薯條，店員話要等耐啲，都無問題吖，想食嘛。
份量都幾多下，番薯條本身係甜番薯🍠炸成，番薯肉淋淋地，好似食緊成舊甜番薯咁，但係外皮有油炸嘅脆，呢碟番薯條真係大愛，唯面頭灑多咗帶辣嘅調味粉🧂，變成有啲同甜番薯格格不入，熊妹韓妹都認為整走啲粉食會比較好味啲。
貝果配忌廉芝士
$48
2 views
0 likes
0 comments
熊妹韓妹都幾鍾意食bagel🥯，難得《等》有提供，當然要點嚟試吓啦。
熊妹揀咗最愛的藍莓味，不過顏色就出，味就唔係好出。
切落去嘅時候好似有啲硬，冇想像中咁軟熟，不過食落口都幾煙韌，有啲嚼勁又未至於咬唔爛。
切開一半之後再搽上跟上嘅忌廉芝士，慢慢喺口腔度妹下妹下，呢個就係bagel嘅滋味之處。
Flat white
$38
22 views
0 likes
0 comments
又輪到熊妹最愛嘅沖調咖啡-Flat white出場啦。
咖啡用上嘅日式係咖啡杯非常吸睛👀，典型嘅心形拉花💗，賣相絕對🈴格。
飲落去淡淡嘅咖啡味，淡淡嘅奶味，整體嘅味道就唔算太出。放涼左之後奶泡層仲慢慢咁融化咗喺咖啡入邊消失咗，證明唔算太厚，沖調功架好似爭少少喎。
Peppermint & Licorice
$35
14 views
0 likes
0 comments
作為養生之人韓妹就不嬲都會點熱茶🍵，避免飲凍野同埋甜野。
茶杯都係用上同一款日式系列但唔同顏色，用上嘅係Pukka 茶包，成件事真係好有意境。
📌喺咖啡店休閒咁渡過左一個下午，兩個女仔細聲講大聲笑，真係說不停。📌不過熊妹認為咖啡店可以配合一啲悠閒音樂🎵🎶，令到咖啡店冇咁靜；枱同枱之間可以隔開啲又唔使坐得咁埋，咁樣比較可以暢所欲言多啲。價錢方面可以出番啲套餐價比較吸引。
Post
