等 (Closed)

前排同好姊妹出黎食飯，佢特別推介呢間 cafe，話食物同環境都不錯，好多打卡位～ 的確純白嘅設計配合木製傢俬，感覺好 chill 好 relax，但好野一定引人注目，所以當日人多到我無辦法打卡 🙈 唯有專心品嚐食物吧～明太子蟹棒海膽意粉海膽一 d 都唔腥 👍🏻 香濃嘅明太子醬汁，配合啖啖蟹肉同埋三文魚籽，口感豐富鮮美，而且意粉軟硬適中，小編大推 😆日式煎飯團配香煎三文魚扒蟹籽沙律飯糰煎得好香，鹹鹹香香咁好醒胃～三文魚都處理得好好，香得來唔會煎得太硬，蟹籽沙律好 fresh，三樣夾埋一整個好 balance 🤤雖然人多嘅時候會有少少迫同嘈，但整體來講呢度都坐得好舒服，燈光配色同埋傢俬都好好，令人有一種喺屋企咁嘅感覺 😌 由於當日天氣比較熱，我最後選擇左梳打類嘅飲品嚟飲，味道都幾 fresh 😆 相信咖啡應該會更加有驚喜，下次我會再去試咖啡㗎 😋