等 (Closed)

誤打誤撞下試新cafe，冇特別期望反而更有驚喜，開業時間應該唔長，唔需要等位。無印系裝修，白色牆配木質傢俬，植物擺設。芝麻雞翼🐥有4隻，雞翼連翼尖，本來冇打算嗌，但見到隔離枱有，好吸引就點埋🤣，好彩冇失望，表面炸得夠香脆乾身，一啖咬落去，肉質嫩滑有肉汁。混醬薯條🥔熱辣辣上碟，有3款醬（黑松露、明太子、茄汁）睇返餐牌先發現係蜜糖芥末而唔係明太子，可能餐牌更新/比錯我哋😂，當刻冇為意，黑松露好香，明太子少少咸，薯條正常發揮，同樣炸得香脆，鍾意係粗身薯條。明太子蟹棒海膽意粉🦀🍝每啖意粉都有明太子醬包住，醬汁creamy但唔杰身，不過海膽鮮味唔突出，同意粉撈埋之後就冇乜存在感，但整體好食。All Day Breakfast 🥐🥗🍖🥚貫徹日式西餐風格，以玉子燒取代一般嘅炒蛋/太陽蛋，幾特別，坊間唔常見，另外，第一次見雞骨腸，覺得味道同平時豬肉腸差唔多。