The Starred

Open Now

Now Closed

一星期一次同女友玩煮飯仔，去筲箕灣街市好方便，蔬菜海鮮生果好集中，價格亦都平。當然要食飽飽先有力托米。我女友係唔會錯失任何一個打卡點。尼間係可以由頭打卡打到尾。餐廳外那種風雨侵蝕木材的疤痕正正配合著復古歐洲的裝修。一入到去，滿滿的古典水晶燈包圍著一棵十尺桃花樹，唔通尼d就係西方文化在古舊筲箕灣漁村的縮影？被安排到窗口卡位已是注定手機先吃飽，加上天然光下，只想買部S24 Ultra。我叫左鐵版加拿大豬鞍。牛牛鐵板一到的香噴噴已經贏左我的心，菠蘿蓉搭豬鞍--絕。豬鞍好大塊好厚，口感彈牙有咬口 juicy 的，$130值回票價。女友叫的是英式獵人雞，這是煎雞胸再加上燒烤醬、煙肉同埋芝士烤香的。味道十分香口複雜有層次，只是要價$80！抵食到不得了。女友說雞胸肉有點嚡。這是煎雞胸，不是慢煮sous vide呢！以上兩個餐，除左跟薯蓉外，仲每人有一個蔬菜杯，內有香蕉，木瓜，火龍果，秋葵同埋車厘茄。我後來被指正了，是生果杯，原來秋葵同車厘茄是生果，不是蔬菜。Anyway，一陣買餸就慳番不用買生果了。加埋杯100％橙汁，用復古方糖的即磨咖啡，兩個人總共二百中，真係性價比之皇。一開頭我就講左打卡打到尾，