Video
Read full review
2023-05-19
263 views
成日捐窿捐罅要搵啲隱世嘅特色小店，今次就嚟到筲箕灣東大街拜訪一下呢間區內人氣值頗高嘅串燒小店桻之燒🍢有唔少配搭調味幾有心思嘅串燒，仲有唔同清酒🍶可以邊食串燒邊嘆酒。見到牆身貼滿唔同日本酒嘅招紙就知道店主應該係愛酒之人😏😏螢光魷魚醬油漬先嚟前菜，螢光魷魚🦑鹹鹹香香，底下有啲生菜同洋蔥墊底。蒜蓉牛油燒蠔大隻飽滿juicy💦有蒜蓉香但唔會太濃味😛香燒自家浸製醉香雞翼特別地先醃製醉雞翼再燒，外皮微脆，內裡保持肉汁，食到淡淡醉雞汁嘅香味😍😍法式鮮蟹肉虎蝦烤多士賣相好吸睛🤩🤩虎蝦大大隻又爽彈，加埋香脆多士口感唔錯。中間嘅蟹肉醬汁有啲似千島醬，酸酸咪咪😙香燒墨魚咀串口感好彈牙。香燒黑毛豚肉生菜串豚肉串燒食得多，呢款特別在包住生菜，層層疊厚厚嘅生菜令到串燒食落零舍爽脆😋😋中和返甜甜地嘅豚肉。香燒脆皮豆腐外脆內軟滑，面頭加上唔少木魚，甜甜地都唔錯。脆皮蜜糖燒苦瓜好特別😍平時有少少抗拒苦瓜，但呢個將苦瓜裹上蜜糖🍯燒到面頭有層脆脆地嘅焦糖，蜜糖甜香大大減低苦澀感，好易入口😝😝汁燒鮮蠔燒飯糰另一款signature菜式，兩隻飽滿蠔肉🦪串埋飯糰，飯團燒到表面少少焦脆，甜甜地嘅燒汁加上蠔肉鮮味都唔錯。包住紫菜一啖
螢光魷魚醬油漬
先嚟前菜，螢光魷魚🦑鹹鹹香香，底下有啲生菜同洋蔥墊底。
蒜蓉牛油燒蠔
大隻飽滿juicy💦有蒜蓉香但唔會太濃味😛
香燒自家浸製醉香雞翼
特別地先醃製醉雞翼再燒，外皮微脆，內裡保持肉汁，食到淡淡醉雞汁嘅香味😍😍
法式鮮蟹肉虎蝦烤多士
賣相好吸睛🤩🤩虎蝦大大隻又爽彈，加埋香脆多士口感唔錯。中間嘅蟹肉醬汁有啲似千島醬，酸酸咪咪😙
香燒墨魚咀串
口感好彈牙。
香燒黑毛豚肉生菜串
豚肉串燒食得多，呢款特別在包住生菜，層層疊厚厚嘅生菜令到串燒食落零舍爽脆😋😋中和返甜甜地嘅豚肉。
香燒脆皮豆腐
外脆內軟滑，面頭加上唔少木魚，甜甜地都唔錯。
脆皮蜜糖燒苦瓜
好特別😍平時有少少抗拒苦瓜，但呢個將苦瓜裹上蜜糖🍯燒到面頭有層脆脆地嘅焦糖，蜜糖甜香大大減低苦澀感，好易入口😝😝
汁燒鮮蠔燒飯糰
另一款signature菜式，兩隻飽滿蠔肉🦪串埋飯糰，飯團燒到表面少少焦脆，甜甜地嘅燒汁加上蠔肉鮮味都唔錯。包住紫菜一啖過食🍙就更滿足👍🏻👍🏻
芝士烤年糕
比起坊間甜甜地嘅年糕，呢款嘅流心芝士餡多咗一種芝士鹹香，幾好食👏🏻
人均消費：$310
推介指數（10分為滿分）：7.5分
Post
