桻之燒 (Closed)

早幾日返筲箕灣媽咪到拎野，點之竟然摸門釘😂佢地全部去哂街，咁諗住過東大街食野等佢地返黎先，咁啱就撞見朋友收工就一齊坐低食！天后廟隔離有間串燒居酒屋🏮係家庭式經營，氣氛好似都唔錯❤️第一次黎唔知叫咩好，真係要老闆推介一下😂前菜：豬生腸王 同 味噌蒜頭漬 味噌蒜頭漬過之後已經完全沒有辛辣感，多了一份味噌香氣，口感爽脆，上面仲有木魚絲咸咸地！豬生腸王，老闆話佢地選擇坊間比較少有既，口感係勁爽又彈牙，絕對值得一試！汁燒鮮蠔飯糰首先外觀已經好打卡😂飯糰黏稠度做得幾好，唔會好易散哂，燒過有點點焦香，蠔肉汁燒過帶微甜，一片紫菜包住係啱啱好，我會為左依道菜再回來😂燒蟶子王好多隻都算厚肉，店家唔係用好多蒜茸，少少🤏點綴提升蟶子既鮮甜！手打墨魚棒手打墨魚肉好彈牙，咬落去食到粒粒墨魚肉，利用香茅做棒墨魚肉加添左香茅既香氣，好食😋配搭住串燒蒜芯我覺得都幾夾！蔥油卷外層係香脆酥餅，包裹住大量既蔥，蔥人必選！鹽燒黑豚豬腩肉豬腩肉油脂比較高，燒完好香口！燒雞拼盤有雞軟骨、雞翼、雞腎同雞肉棒，我比較喜歡雞肉棒😂因為有得沾蛋食❤️總結：筲箕灣比較少依類可以傾計既餐廳，而且食物質素幾高，氣氛都唔錯，如果喜歡清酒既更加適合！