一輝燒味小廚茶餐廳 (Closed)

今天又到吃飯時間，同事知我好少出現在馬鞍山區，佢哋知我想吃燒味，就介紹我到一輝吃燒味飯。 一輝在行人馬路燈位旁，遠遠也看見到。 入到去餐廳兩旁有茶餐㕔必有四人卡位，中間也有幾張圓枱。 牆壁四周也貼上餐牌，也有每日限定午餐。 今日午餐就有叉燒拼燒鴨飯，＄47包熱飲。 反正想試燒味，午餐唔貴就要叉鴨飯。 燒味份量適中，不過叉燒肉質太瘦，只有其中兩塊有少少肥肉。 燒鴨肉質及味道就幾好，但飯就反而一般，唔夠熱只是暖暖。