樂園魚蛋粉

Open Now

Now Closed

剛剛尖沙咀見完客，經金馬倫道，見到樂園魚蛋粉，聽講都幾出名。於是，就行入嚟幫襯。原來呢間店除左粉麵以外，仲有飯食，好多款式選擇。裝修簡潔，但座位都算寬敞，所以都坐得好舒服。而且服務員非常有禮貌，一入去門口，就好主動幫我安排座位。值得加分。我見價錢都好吸引，叫左個菜膽雲吞雞，跟白飯，呢度叫樂園魚蛋粉，估計魚蛋一定“正”，一定要叫多個淨魚蛋，慢慢品嘗，飲品方面，就簡簡單單，叫左一支豆漿。菜膽雲吞雞～先講一下，雲吞有好幾粒，食落雲吞都好好味，蝦肉都彈牙口感。而且，我無想到，浸湯嘅雞都可以做到咁滑嫩。正呀！淨魚蛋～有魚片頭，又有白魚蛋，一碗集齊兩款口味。讚下次嚟食，要試下魚皮先至得，仲要試牛腩，因為夜晚已經賣晒，我諗一定好味。