千家客 (Closed)

去廟街除咗可以去睇到香港地道特色，仲有好多地度美食都可以係度食到，不過都要俾D心機先可以找到，不過除咗廟街外仲有吳松街同上海街一樣有咁多美食係度俾大家選擇，有時真係眼花撩亂唔知食乜好之際，唔經唔撞去咗一間有粥有麵又有特色小吃嘅食店品嚐，而食店係上海街同廟街隔離非常方便找到而餐牌種類大致有湯麵，撈麵，新鮮生滾粥，消暑下火湯飯，香脆小食同懷舊時令蒸飯等，而且口味有好多選擇，而我就點咗傳統口味鮮蝦雲吞麵（大）同香脆小食品嚐先來係鮮蝦雲吞麵，蝦子一粒粒已灑滿係麵上，而鮮蝦雲吞有六粒，先飲咗啖清湯入口鮮甜，再來梗係主角雲吞，入口滑嘟嘟粉皮夠晒薄之餘,又食鮮蝦爽口彈牙，肉粒嫩滑多汁食落真材實料，而麵條亦夠幼細，咁先食到傳統口味鮮蝦雲吞麵而香脆小食就點咗酥炸鮮蝦水餃併雲吞，每款各有4粒，上碟已見炸至金黃色，未食已知香脆可口，趁佢仲熱辣辣要快D食先得，凍咗會變得冇咁鬆脆，先食鮮蝦水餃咬落脆卜卜面層，內裏食到鮮蝦大隻又彈牙木耳爽滑同筍絲鮮甜，而另一款雲吞一樣炸得非常出色，入口食到豬肉粒香滑蝦肉爽口彈牙，記得點埋開胃醬汁食落更加滋味，最後飲番杯自家煲羅漢果茶中和一下熱氣，是日晚又食到地道傳統風味