Grill ขนทอง (駱克駅)

Open Now

Now Closed

銅鑼灣從來是美食集中地，中、西、日、韓、泰，想食乜緊有一間係左近。今日同阿仔出咗銅同銅鑼灣，到九點零有點肚餓，於是搵地方食野。好耐冇食泰國菜，同阿仔見到呢間主打串燒嘅泰國餐廳。餐廳位於銅鑼灣駱克道，地鐵站C出口就會見到，位置十分當眼，方便易搵，一於就試下佢不同於一般傳統泰國餐廳，以半自助方式，先於門口收銀位置點菜及付款，然後就可以選擇座位等候店員送餐。串燒有十五款供選擇，而串燒醬汁亦有七款之多，有辣有唔辣。今次選了雞皮、菠蘿、豬頸肉及白鱔。本人尤其喜歡白鱔，肉爽肥美，配上芫茜酸辣醬，味道獨突惹味。個人推介必食「泰式去骨海南雞飯」，分量十足，油飯軟硬適中，油香味十足。去骨雞肉啖啖肉，雞肉很嫩滑，伴菜有白烚椰菜。整體味道及賣相都要给讃。另外推介「泰式酸辣豬頸肉沙律」，微酸偏辣，配上各式新鮮香菜，十分開胃醒神。仲有很多炭燒豬頸肉，入有炭香肉質爽口。鍾意食辣朋友仔一定要試。