Video
Read full review
2008-01-10
36 views
** 此食肆的第八個OK **又因尋日唔記得諗今日(10-1-2008 Thur)o既早餐,又諗起今個冬天未食燕麥做早餐,於是落o黎呢o度食啦.又係7點到o黎,只有幾個客,心諗應該唔駛等好耐o掛,睇吓有冇餐係有麥皮先.冇o既?只有$16.00o既牛奶麥皮同$12.00o既鮮奶麥皮,剛巧亞姐o係身邊等我order,於是問佢有冇餐,佢答有,包一杯o野飲,於是叫o左鮮奶麥皮加熱杏霜(唔想飲有咖啡因同朱古力呢啲比較提神同肥o既飲品).等o左幾分鐘,熱杏霜先到,杏仁味重;客人開始多喇,我等呀等,遲o黎o既客人個個都有得食,可能我呢啲唔係預先整定o既食品,所以要等啦,但真係等o左好耐,鮮奶麥皮至到,其實好驚食茶餐廳o既麥皮,因為細個時食,滑滑o既糊狀麥皮令我想嘔,o衣o家只係為o左吸走壞膽固醇而食而已.攪吓佢,見有燕麥o係裡面,咁都好啲,唔係只係一碗糊狀物體,由於o岩o岩整起,所以好熱.食落唔太杰,淡淡的,想落調味料,鹽?會唔會怪o左啲?糖?會更甜同更加難接受,唉!都係快快攪涼佢食埋走啦.而幸好燕麥唔算太少,不過我真係食o左好耐,今日有開微微o既冷氣,但都重係咁熱,我又趕時間,又食到我成頭汗.剩返
又因尋日唔記得諗今日(10-1-2008 Thur)o既早餐,又諗起今個冬天未食燕麥做早餐,於是落o黎呢o度食啦.又係7點到o黎,只有幾個客,心諗應該唔駛等好耐o掛,睇吓有冇餐係有麥皮先.冇o既?只有$16.00o既牛奶麥皮同$12.00o既鮮奶麥皮,剛巧亞姐o係身邊等我order,於是問佢有冇餐,佢答有,包一杯o野飲,於是叫o左鮮奶麥皮加熱杏霜(唔想飲有咖啡因同朱古力呢啲比較提神同肥o既飲品).
等o左幾分鐘,熱杏霜先到,杏仁味重;客人開始多喇,我等呀等,遲o黎o既客人個個都有得食,可能我呢啲唔係預先整定o既食品,所以要等啦,但真係等o左好耐,鮮奶麥皮至到,其實好驚食茶餐廳o既麥皮,因為細個時食,滑滑o既糊狀麥皮令我想嘔,o衣o家只係為o左吸走壞膽固醇而食而已.攪吓佢,見有燕麥o係裡面,咁都好啲,唔係只係一碗糊狀物體,由於o岩o岩整起,所以好熱.食落唔太杰,淡淡的,想落調味料,鹽?會唔會怪o左啲?糖?會更甜同更加難接受,唉!都係快快攪涼佢食埋走啦.而幸好燕麥唔算太少,不過我真係食o左好耐,今日有開微微o既冷氣,但都重係咁熱,我又趕時間,又食到我成頭汗.剩返唔係好多時,不如…..加啲杏霜吖,加o左幾茶匙食,呵呵,當堂只有杏仁味,都係快快食埋佢.
最後飲埋杯變暖o既杏霜,今次唔覺有奶味o既?係咪我太趕,冇留意到呢?
其實開頭驚只食一碗麥皮可能唔夠飽,想加件三文治之類o既o野,不過要減肥啊,算啦,忍啦.
諗深一層,呢餐要$16.00,有啲偏貴喎,都係諗定聽日食咩,記得放工去買先.
Post