意粉屋 (Closed)

老婆一直都好想食芝士火鍋，咁岩見到意粉屋又推出之餘，撞正我自己都想試下，於是訂位後就同老婆去撐檯腳。首先係三文魚同埋西班牙風乾牛肉可能係主打菜，其實就咁食都唔錯，三文魚既味道比較濃，上得太多芝士醬反而弄巧反拙，乾牛肉就比較夾番個芝士醬，食落口有少少甜甜既味道，係整個餐中最好既一道菜。拼盤配料有辣肉腸、薯條、魷魚仔、西蘭花、草菇、螺絲粉、肉丸比較夾個醬既係薯條同埋螺絲粉，呢兩樣野混醬好有食美式餐廳風味肉丸同埋辣肉腸一食就發覺太咸，食一兩件已經唔想再食，唔掂魷魚仔同草菇唔夾個芝士醬，魷魚仔仲係生既，而且好濕立立，放入個鐵煲仲要煮一陣先敢食，但係熟左都唔係咁易咬得爛…草菇太大舊，出晒水，煮熟左先食到，但係食落口一陣水味。西蘭花其實混醬都幾好既，不過又係要放入去煮，浪費晒。澳洲特級牛肉放入去煮一陣，五成熟加上芝士醬入口口感幾好，牛肉唔算嫩滑，煮一煮都有出油，比較韌，唔係太食到有肉味，都係混醬食比較好。麵包粒食芝士火鍋必備，由於好後期先食，感覺平平無奇，志在飽肚。芝士醬煲講真，真係太少芝士，煮到大半已經乾塘，如果要加芝士竟然要加錢…真係幾失望下。成個餐既賣相幾好，份量亦足夠兩個人食有突，用信用卡