飲茶 (朗豪坊) (Closed)

諗住同屋企人去飲下茶，見呢間幾有特色，就book枱去試下。準時去到，同門口職員講有book到，點知職員話叫我去攞飛😨。我再強調一次係book左枱，佢先話等等。之後等成20分鐘先有枱😡其間反而攞飛既就有得入，咁我book來做咩？個雞係無骨既，幾啱老人家食。不過我覺得麻辣味可以再重啲。萬聖節限定，應該係炸雲吞來。不過不失啦。都係限定既，呢個係蝦餃。隻蝦大隻既，都幾鮮既。流沙包我就覺得，如果蛋黃味重啲我會開心啲。呢個黑松露味反而好重，好食。正常春卷。呢個辣蟻粉絲就真係推薦，好入味。又夠辣。呢個炒腸粉就只係正常東西。又係萬聖節 Special 既狗不理腸，其實即係臘腸卷。都唔錯既。提外話，隻碟又幾靚。