鳳城酒家

Open Now

Now Closed

見過年，諗住試新嘢，搵一間高級啲嘅請老豆飲茶。可惜唔單止令人失望，甚至令人無奈。😢—我同老豆兩個人去，大廳明明好多位，但樓面都帶我哋入去廳房。我哋一坐低，佢就同我老竇講恭喜發財、身體健康、萬事勝意，斟茶又講多次。因為我仲係單身，所以我冇留意，但係我老竇靜靜雞同我講，其實個樓面係想收利是。咁我老竇俾啦，佢出咗去冇耐，又有另外一個人入嚟講恭喜發財，我老竇又比。佢走咗之後，又有第三個人入嚟⋯—另外，雖然間房叫貴賓房，但係其實係「廚師用膳房」。我哋食到一半，有一大班廚師（8至10個人）入嚟廳房，坐響另一張枱度。講嘢嘅聲量，同埋內容，都好似旁若無「客」咁。—我老竇自己都係廚師，所以非常尊重廚師呢個職業。最令我老竇唔開心嘅係個樓面既心態，佢明知呢一個係廚師用餐嘅房，外邊又有大把位，點解都要帶我哋入去廳房呢？（係咪因為方便佢哋逗利是呢？🤔）—雖然坐嚮貴賓廳，但係一啲都冇做貴賓嘅感覺，甚至有少少被當做「羊牯」嘅感覺。