好德來小籠包店 (Closed)

點解咁嘅質素都人留到好評？ 小籠包個頂死實到夾唔起個包，個皮略厚，所以無穿汁係正常。但個汁有味精，食完唔舒服嘅。炸春卷$42 蚊三條垃圾春卷，個餡施捨咗一片冬菇幾絲蘿白同一啲鼻涕芡，有無謀取暴利度咁？ 排骨麵塊排骨係炸得靚， 但係塊肉發過水脹卜卜仲加發粉乸過，根本唔食得人，咬第一口已經用粗口嚟形容。 麵湯有味精，又係食唔落口，最後被逼要浪費食物。三樣垃圾夾埋 $204 。你厚住面皮呃到吓錢交到今個月租，但咁嘅食品質素遲早被淘汰。