敏華冰廳 (荃錦中心)

Open Now

Now Closed

敏華冰廳在近年不斷開新分店，就連荃灣都有，仲要開2間，今日去宜加傢私買野，經過見到就入去試個晚餐，有驚喜就是，係門口睇餐牌既時候，門口位侍應姐姐竟然好有禮話慢慢睇，因為係我心目中冰室姐姐態度一直都一般，明顯間野有規矩，咁當然入去試啦，先睇睇餐牌先大致上都係一般茶記有既野，除左豬潤麵較特別，咁我就叫左個雜扒飯$62，我女朋友叫左個常餐$53凍飲+$3，常餐好快就有都有驚喜，多士是厚多，仲有飛邊，炒蛋夠滑，沙牛肉麵就正常，等多5分鐘，雜扒飯到豬扒好味，唔會硬身，好夠淋，至於其他正常，但覺得比較油，可以改善，晚餐$60位，價錢正常，味道可以，份量都夠。