聰嫂‧原素 (Moved) New Location

平日放工，多數都想簡簡單單食就算。今日，我同朋友就揀左一間食素嘅餐廳——聰嫂·原素。我地點左荷香雲耳蒸素雞、鮮竹銀杏百合浸菜苗同兩碗白飯。落完單先知就原來點餸送野飲/例湯👍🏻荷香雲耳蒸素雞 - 有大量冬菇片、猴頭菇片同雲耳，但素雞數量好少，得三舊。整體味道一般。鮮竹銀杏百合浸菜苗 - 好少見素菜館會落銀杏百合落湯浸菜。有大量白合同銀杏，非常足料。我可能係第一次食佢地，覺得有啲苦。整體味道不錯，湯夠清甜，菜唔會煲過龍，鮮竹夠冧！