葵線軒

Open Now

Now Closed

去到大隴街，多數都係食牛什河，今次就特登唔食，食其他嘢，行前啲就見呢間，舖面傳統，唔靚仔，但都車水馬龍，食客大都係麻甩佬只得返個近門口位，客觀認為應該唔係伏店，就大膽啲入去坐。除咗米線，仲有炒粉麵飯粥，碟頭飯，非常麻甩嘅嘢食。諗住簡簡單單又一餐，就叫咗豬潤米線$26(因為夠平又少食)，比想像中好食，豬潤厚身鮮甜有咬口夠粉，魔鬼美食炸蠔餅$48，脆到不得了，蠔仔比較大隻，夠新鮮，not bad，見廚師只係用煎pan煎，應該唔係用萬年油，所以食後喉嚨冇唔c服，好過廟街嗰啲，有時食嘢真係唔好睇外表。