La Casa Bistro (Closed)

同2個同事跟project，執埋d啲手尾至食lunch，由於已經過左食lunch時間，比較易搵位。行過文咸東街， 見到呢間細細間嘅意大利餐廳，因為唔想日日港式茶餐廳，所以大家都想試下意大利式。3個人坐底，張menu 好似車仔麵要自己tick。3 個人各自選左唔同set，食物都幾有意大利feel: 燒雞胸野菌意大利雲吞、 茄牛湯野菌意大利雲吞 同埋牛仔腸意大利菜湯麵， 不過餐飲就比較港式。餐飲先到，餐飲比較港式，伯爵茶、凍咖啡同凍檸檬茶，茶都幾香，啡就一般茶記水準。燒雞胸野菌意大利雲吞，伴碟有車厘茄同香草，雖然係急凍雞胸，肉質都ok，野菌雲吞餡料都好新鮮，好味。同事嘅茄牛湯野菌意大利雲吞，蕃茄牛肉濃湯可以同勝香園一教高下， 同意大利雲吞配合得天衣無縫，正。最後係牛仔腸意大利菜湯麵，跟埋多士，意大利菜湯做湯底加幼蛋麵，味道好特別，湯底淡淡地，反而夾到牛仔腸味。雖然簡簡單單的一餐，但比一般茶記， 感覺就是不一樣。