琛夜食堂 (Closed)

今晚去左尖沙咀買野，唔知食乜，就走到美食聚集的厚福街，同友人都唔算太肚餓，所以揀左「琛夜食堂」，係食串燒的。在藍馬商業大廈5樓，我地被安排坐室外，今晚涼涼地又無蚊，都幾舒服。店員介紹惠顧酒類飲品的話，貝類飲品就有半價，雖然好吸引，但我地最後都係揀左一榨青蘋果梳打，清清地幾好。食物唔想多揀，所以揀左串燒拼盤同鎮店之寶玉子燒。串燒拼盤有煙肉荔枝卷、牛舌、雞翼同啡菇。啡菇非常好食，仲開細細粒易入口，好香好juicy。玉子燒係差唔多每枱都有叫，雖然個餐廳名有少少失手印得唔齊整，但有店員幫我地切埋，夠熱，濃郁芝士配香滑玉子，口感好好。整體唔錯。