Nahm, Vietnamese & Thai (Closed)

已經喺南昌站... 到底食什麼好呢？算啦，都喺番去九龍站。Elements 有幾間泰國菜餐廳，未食過呢間nahm，於是試下。其實呢間餐廳是食泰式菜及越南菜的，anyway......地方開揚，對住商場食。正對面是Zara。喺Elements 而言，價錢唔算貴。這個是南瓜雞湯，有好多菇菇，南瓜反而不多。份量不太多，但夠2個人飲。味道正正常常啦，有啲泰式香草的味。呢條炸魚好正，炸得外皮脆，魚肉又唔會變乾。最正喺啲酸辣汁，令人好開胃。有人問：你估下呢個係泰式定越南式？我咁聰明，當然知道是泰式。點解我知？因為啲汁好有麥當勞「泰式辣醬」的色！ 有人話，呢條魚是每次黎呢間必點的。牛柳好香，剛上台好熱好正。