莆田 (形點 I)

Open Now

Now Closed

今日全日WFH, 一日內有幾個會議要開，忙到家人放工致電時我都未諗晚餐安排。即時諗起都有啲時間無食過莆田，今晚一於就安排外賣。家人有時會叫炒米粉，今次就叫咗芥菜粥，味道算可以保持，不過食材可以考慮豐富啲，食落好似無咩配料咁。而我就叫咗個紫菜燜飯，份量都夠而味道亦保持得到。呢個飯雖然較為簡單，但食落會感覺較為健康，同時亦飽肚。我地另外叫咗個金湯時蔬，佢地呢個菜整得幾好味，大家都可以考慮下。整體對食物都滿意。