Video
Read full review
2012-10-09
1587 views
因為工作關係，好有幸係一間米芝蓮3星嘅餐廳第一次品嚐懷石料理。餐廳嘅裝修非常簡單，雖然地方係細D，但佢用咗屏風隔住D枱，都可以保持一點私人感覺，只係講野就唔可以太大聲，唔係就嘈到隔離枱。一坐低我地開咗一支茶，味道係烏龍茶帶點果味清香一個SET MENU共有11道菜，份量絕不簡單。根據WAITER所講，每一件餐具器皿都係由人手日本製造，睇黎非常講究，不慚係米芝蓮3星。第一道菜係冷盤蒸蛋，混埋三文魚子同菊花，味道好鮮甜清新。(左圖)第二道係海膽+豆腐+帶子 (右圖)未開蓋，單係欣賞碟上嘅刺繡都係一門藝術!食物: 海膽確係好鮮甜第三道菜: 鮑魚八爪魚配蘋果醋可能因為係SUMMER MENU嘅原故，菜式入口感覺都好新鮮同開胃!第四道菜: 熱蟹腳湯用薄薄嘅冬瓜包住蟹腳肉，加充滿住酒味嘅湯，濃郁芬芳。要一提係原來每道菜出廚房前都會噴上水珠，以確保佢係未開封，令客人食得更放心。第五道菜: 用稻草煙薰鰹魚(左圖)原來鰹魚即係我地平時 “砲”到一片片好薄嘅 “木魚”。第一次食厚厚的鰹魚，加上好濃煙薰味，少少3舊都已經好飽了!第六道菜: 炸鯛魚(右圖)魚嘅表面係一支支好細嘅魚鱗飛起，非常鬆化。我最鍾意係伴
餐廳嘅裝修非常簡單，雖然地方係細D，但佢用咗屏風隔住D枱，都可以保持一點私人感覺，只係講野就唔可以太大聲，唔係就嘈到隔離枱。
一坐低我地開咗一支茶，味道係烏龍茶帶點果味清香
一個SET MENU共有11道菜，份量絕不簡單。根據WAITER所講，每一件餐具器皿都係由人手日本製造，睇黎非常講究，不慚係米芝蓮3星。第一道菜係冷盤蒸蛋，混埋三文魚子同菊花，味道好鮮甜清新。(左圖)
第二道係海膽+豆腐+帶子 (右圖)
未開蓋，單係欣賞碟上嘅刺繡都係一門藝術!
食物: 海膽確係好鮮甜
第三道菜: 鮑魚八爪魚配蘋果醋可能因為係SUMMER MENU嘅原故，菜式入口感覺都好新鮮同開胃!
第四道菜: 熱蟹腳湯用薄薄嘅冬瓜包住蟹腳肉，加充滿住酒味嘅湯，濃郁芬芳。
要一提係原來每道菜出廚房前都會噴上水珠，以確保佢係未開封，令客人食得更放心。
第五道菜: 用稻草煙薰鰹魚(左圖)原來鰹魚即係我地平時 “砲”到一片片好薄嘅 “木魚”。
第一次食厚厚的鰹魚，加上好濃煙薰味，少少3舊都已經好飽了!
第六道菜: 炸鯛魚(右圖)
魚嘅表面係一支支好細嘅魚鱗飛起，非常鬆化。
我最鍾意係伴菜中嘅青紅椒，非常清甜!
第七道菜: 和牛配九州溫泉蛋確實係入口即溶，一D都唔韌! 配稍為炸過的外脆同洋蔥，非常香口!
第八道菜: 魚翅粥
魚翅質感有D似素魚翅，但問過侍應，呢D確係真嘅魚翅。
既然質感咁似，咁其實可以考慮用素魚翅。
中間間場的會係一杯熱玄米茶
甜品: 第九道菜: -196’C桃
賣相好靚，比-196’C士多啤利更靚!
味道好香但又唔係好甜，係百吃不厭之選!
我地見好想知點做到-196’C又加流出來D JAM, 我地上左YOUTUBE睇佢OFFICAL 的製作片段 (不過係-196’C士多啤利), 令你更覺得驚歎!
第十道菜: 焦糖燉蛋布丁作為最後一道菜，確實係有D飽。相比起個桃係無乜特別。不過單單講布丁，佢都好香好滑好CREAMY亦唔會太甜。
第十一道菜: 抺茶
一碗唔係太熱暖暖的抺茶，據說可以幫助消化。
總括: 環境寧靜舒服, 冷氣唔會太凍。食物用料上乘，如果侍應可以介紹一下製作過程，一定令客人更覺得值回票價。
Post
