Felice Cafe & Pasta (Closed)

抗疫成日話要保持適當社交距離, 但朋友始終要見的, 只要唔好好似某局長咁大排筵席就安心啦 人少少揀左呢間希雲街小店, 熱鬧得黎service又好好!兩人揀左dinner set既意粉, 有餐湯(栗米湯) + main + 飲品; 呢排home office原因發福不少, 所以雖然有奶蓋系列都忍手無叫到, 反而試左杯#黑糖牛奶薑, 唔會太甜而且奶味好濃, 熱熱地飲又好舒服~ (中女是如何練成的)意粉方面本來都擔心唔夠食要再order小食, 點知好大碟!! 前:  #牛油果carbonara後:  #海膽黑松露白汁意粉牛油果本來已經有牛油既效果, 仲要加左蛋黃, 搞爛之後撈埋令到意粉更滑、味道更濃蛋/奶味; 整體既味好balance唔會超膩口, 咸度mainly係靠bacon帶出, 簡簡單單又好好食 自己都可以試下整 海膽果份比想像中'闊綽', 海膽新鮮又甜, 仲比左好大舊我地不禁係度諗, 唔通呢排肺炎肆虐少左人幫襯, 但貨又入左, 所以咁益我地? XD anyway, 記得支持小店啊!樓面好似得一位姐姐係度, 照計應該忙到7彩, 但佢態度非常好, 又忙而不亂咁handle晒所有人, 呢D