三川居酒屋 (Closed)

收工去左銅鑼灣宜家買下新居既野，行完既時候原來已經成9點，兜下附近有間居酒屋，1條友就落去醫肚了。間鋪喺地庫，要行條樓梯先落去。眼見鋪入面唔大，10張枱左右，裝修幾有居酒屋既感覺。先黎個吞拿魚刺身，厚切食緊嗰時好有質感，食唔到雪既味道，唔錯！鍋燒湯手打烏冬，有隻蝦天婦羅同雞肉，湯唔係好濃，烏冬亦都好彈牙。煙肉燒年糕，第一次食幾得意，外面煙肉燒到脆脆既，入面年糕就煙煙韌韌。牛柳串，厚肉得黎好淋，咬落亦都好juicy。