農家意粉

Open Now

Now Closed

就如大部分食家所講，餐廳內部真係似補習社，估計佢哋係想幫補支出，以前睇過農場餐廳嘅報道，原來曾經好輝煌，老闆好有雄心壯志去經營，可惜光輝不再。都幾多選擇嘅，醬汁方面有芥末/紅酒呢類特別小小的，都有啲希望。個餐湯好香！好重牛味！應該係煲咗好耐嘅牛骨，每一啖都有牛嘅精華，雖然佢賣相真係好普通好家常，估佢唔到！牛扒仲可以揀幾多成熟，於是：肉眼扒五成，極級牛肩肉七成。肉眼扒5成啱啱好，配埋芥末汁，估唔到都幾夾；牛肩肉叫7成熟結果有啲老，仲要咁啱成塊扒都有筋所以好難嚼。。。 不過食正肥膏嘅位置就好香， 可能係我揀得唔好；番茄有煎過呢下覺得佢哋都幾有心思，只係諗唔明點解要加粟米蓉，for配菜點嚟食？不過整體唔差，似花園餐廳略平版。