Video
Read full review
2021-06-23
807 views
位於葵芳既新都會廣場，響新界西既商場黎計消費力相對較高，所以好自然同隔離葵涌廣場比較，用餐既價錢絕對無得比。但如果要坐得舒服傾下計，又想要開揚景同充足光線去滋潤自己，而同時下午茶價錢又要合理既話，Simplylife都係一個唔錯既選擇。剛巧早放而同朋友經過，見到下午茶全部餐都係劃一價$52 (加一後$57)，款式都還可以之下就坐低左。自己就點選左哥達芝士雞肉漢堡配香辣薯條；朋友就點選了手工蛋糕 (手工蛋糕既意思就係響出面蛋糕櫃任選1件蛋糕，而朋友就決定試試哈蜜瓜伯爵茶蛋糕)。唔駛10分鐘，雞肉漢堡就已經出現響我面前喇。可能係下午茶既關係，個漢堡相對係比較細 (大約係平時午餐漢堡既一半左右)，但因為下午茶既關係都可以接受既；咬落去原來製法係類似手撕雞形式既漢堡，而芝士好滑而令雞肉既味道唔會太單調。而香辣薯條唔算太辣既，不過食落去會比較硬身，盡量連茄汁一齊享用會比較舒服。同埋朋友既蛋糕都到枱了。蛋糕以清新為主，雖然唔係太食到哈密瓜既味道，而伯爵茶相對味道比較突出下，Cream亦唔太油膩而搶走茶味，所以都係唔錯既選擇。坦白講食物既份量唔算太大份，而同時整個下午茶既菜式不外乎薄餅﹑麵包﹑漢堡及
剛巧早放而同朋友經過，見到下午茶全部餐都係劃一價$52 (加一後$57)，款式都還可以之下就坐低左。
自己就點選左哥達芝士雞肉漢堡配香辣薯條；朋友就點選了手工蛋糕 (手工蛋糕既意思就係響出面蛋糕櫃任選1件蛋糕，而朋友就決定試試哈蜜瓜伯爵茶蛋糕)。
唔駛10分鐘，雞肉漢堡就已經出現響我面前喇。可能係下午茶既關係，個漢堡相對係比較細 (大約係平時午餐漢堡既一半左右)，但因為下午茶既關係都可以接受既；咬落去原來製法係類似手撕雞形式既漢堡，而芝士好滑而令雞肉既味道唔會太單調。而香辣薯條唔算太辣既，不過食落去會比較硬身，盡量連茄汁一齊享用會比較舒服。
同埋朋友既蛋糕都到枱了。蛋糕以清新為主，雖然唔係太食到哈密瓜既味道，而伯爵茶相對味道比較突出下，Cream亦唔太油膩而搶走茶味，所以都係唔錯既選擇。
坦白講食物既份量唔算太大份，而同時整個下午茶既菜式不外乎薄餅﹑麵包﹑漢堡及蛋糕。但環境比較開揚，令大家就算坐得比較近既情況下，大家傾計既聲音都唔會焗住而嘈吵，會令你既用餐體驗增加唔少呢!
Post
