Italian Tomato Café (MOSTown新港城中心) (Moved) New Location

雖然對面開咗間新嘅西餐廳，但係見到個價錢有啲貴，所以都係幫襯返呢間。嘢食唔可以話非常好食，但係咁嘅價錢食返咁嘅嘢，當簡簡單單解決一餐。午餐包餐湯，主菜加嘢飲，叫做咩都有。我叫咗香蒜乾蕃茄煙鴨胸磨菇意粉($78)。餐湯夠熱偏咸，飲得出係西蘭花忌廉湯，但店員放低嘅時候無講係咩湯。意粉個味麻麻地，除咗佢個名有嘅餸之外仲有三色彩椒。呢個意粉偏乾身但係好彩唔會油冧冧。餐茶要咗熱檸水。男人老狗就無加蛋糕喇，雖然係呢間餐廳嘅主力。