Video
Read full review
2020-04-17
524 views
呢日同大媽同事行去石硤尾買口罩，順便喺嗰頭食埋午餐。由於唔係好知附近有乜食，所以見到有間米線舖就行入去喇🍜。米線店來講，佢環境都算幾骨子，乾淨企理，仲有卡位坐👍🏻。不過因應政府要求，餐廳減少咗部份座位同整咗啲圍板。我再望望個牆壁，先發現原來佢係米線站，以前深水埗都有。餐廳冇特別做午市，所以都係自己揀餸、揀麵，價錢喺呢區嚟講唔算平🤔，淨麵$23，配兩餸大約要$4x，飲品再另加錢。不過選擇都算多，麵可以揀米線、紅薯粉、甚至係通粉。另外，佢有做午市皇牌中學生餐👨🏻🎓，$32包兩個餸連熱飲，幾抵。下午茶餐比主餐牌便宜，$35有交易😳。除咗麵食外，餐廳亦有提供普遍茶記有嘅常餐，同雞髀多士類港式食物🍗。我哋兩條友一人一碗麵，再加一份小食😛。我要咗麻辣紅薯粉($23+$1)，餸要咗蟹子丸($8)、竹笙($10)同日式肥牛($12)。麵同餸嘅份量都幾足，蟹子丸有三粒，而且好好食😋。雖然知係入貨，但呢隻比平日正，個餡好流沙。竹笙同肥牛正正常常，前者好索湯。紅薯粉比想像中粗身，滑嘟嘟，好似平日嘅酸辣粉係用呢隻粉多？我想講下個湯，一上菜嘅時候，我有諗過咦我唔係要咗麻辣㗎咩？點解隻色咁清嘅，但一飲咗啖，我就
米線店來講，佢環境都算幾骨子，乾淨企理，仲有卡位坐👍🏻。不過因應政府要求，餐廳減少咗部份座位同整咗啲圍板。我再望望個牆壁，先發現原來佢係米線站，以前深水埗都有。
餐廳冇特別做午市，所以都係自己揀餸、揀麵，價錢喺呢區嚟講唔算平🤔，淨麵$23，配兩餸大約要$4x，飲品再另加錢。不過選擇都算多，麵可以揀米線、紅薯粉、甚至係通粉。
另外，佢有做午市皇牌中學生餐👨🏻🎓，$32包兩個餸連熱飲，幾抵。
下午茶餐比主餐牌便宜，$35有交易😳。
除咗麵食外，餐廳亦有提供普遍茶記有嘅常餐，同雞髀多士類港式食物🍗。
我哋兩條友一人一碗麵，再加一份小食😛。
我要咗麻辣紅薯粉($23+$1)，餸要咗蟹子丸($8)、竹笙($10)同日式肥牛($12)。麵同餸嘅份量都幾足，蟹子丸有三粒，而且好好食😋。雖然知係入貨，但呢隻比平日正，個餡好流沙。竹笙同肥牛正正常常，前者好索湯。
紅薯粉比想像中粗身，滑嘟嘟，好似平日嘅酸辣粉係用呢隻粉多？我想講下個湯，一上菜嘅時候，我有諗過咦我唔係要咗麻辣㗎咩？點解隻色咁清嘅，但一飲咗啖，我就知麻辣係滲透咗喺個湯入面。而且佢係符合商品說明條例，因為微辣真係少少辣，唔會太Over，但又食得出辣味🌶。
大媽就要咗清湯米線($23)，餸要咗蘿蔔($8)、墨魚丸($9)同自製韭菜餃($10)。清湯底唔會太淡，都OK😊。墨魚丸同蘿蔔我各試咗一粒，前者唔錯，後者就唔夠入味。
小食方面，我哋要咗份細嘅🐷烤麻辣豬頸肉($26)，麻辣味就無了，反而係有孜然粉，燒得幾香口，都惹味嘅。
飲品我加$10要咗凍檸檬菊花，小插曲係落單呀姐好醒目，見到少咗幾片檸檬🍋，就即刻主動加返比我🤣，我都唔發現。
總括嚟講，呢日食咗餐簡簡單單嘅米線午餐🍜，醫飽肚仔。餐廳味道、環境、衞生同服務整體都合格有餘啦😉。
Post
