簡單主意

Open Now

Now Closed

去幫我朋友做嘢夜咗諗住叫外賣唔出去食，見到呢間啲嘢食好似都幾好，所以試吓。分別去咗玉子築前煮牛肉丼同埋滑蛋豬扒丼，牛肉飯個味道都幾濃味，飯亦都好足夠，牛肉飯係唔錯嘅，亦都食得飽。滑蛋豬扒飯個蛋亦都好滑，豬扒方面可能因為外賣冇分開裝嘅關係，嚟到嘅時候炸豬扒已經淋咗，豬扒本身冇問題，包裝亦都好，不過因為冇分開裝嘅關係個炸豬扒外面真係好淋，所以呢部份真係有少少扣分。另外驚住唔夠飽，所以嗌多份手羽餃子同埋兩隻溏心蛋，餃子味道冇乜特別，不過佢冇比到醋或者其他調味料我哋。糖心蛋味道還可以嘅，但係個人來講糖心蛋就比較偏熟咗少少。不過整體來講，如果有機會都會試多次其他食物嘅。