Diff. Cafe (Closed)

呢間喺荃灣嘅純白Cafe，喺出面一見到佢嘅裝修就俾佢吸引到，純白主題，配上木枱木凳，俾人一種慢活舒適嘅感覺。— — — — — — — — — — — — — — — — — — — — 【泰式烤雞Pizza】$117呢個pizza 係薄薄餅底，好香口好脆，食呢種Pizza就唔怕會食到濟，可以食好多件。特別值得一讚係呢個Pizza非常之足料，上面有青椒、粟米、菠蘿、雞肉粒，醬汁就以茄汁為主，重食到少少辣椒仔汁嘅味， 酸中帶點微辣，好滋味！— — — — — — — — — — — — — — — — — — — — 【墨汁海鮮意粉】$110每條意粉都掛滿墨汁，連d配料都沾哂墨汁，意粉配料有洋蔥、小帶子、墨魚仔、蟹籽、蜆肉，都幾多料，除左墨汁，重食到好重蒜油味，而且每一啖都咬到蟹籽爆開，好過癮。— — — — — — — — — — — — — — — — — — — — 【Dirty】（跟餐$26)漸變層次分明，冇飲開啡嘅朋友都覺得唔錯，啡味香濃而不澀，值得一試。【特濃朱古力】$40飲落夠滑，濃濃朱古力，朱古力愛好者必試！