Contrast

Open Now

Now Closed

早排不斷畀呢間cafe洗版，出開長沙灣終於試到，裝修有用過心思，基本上坐邊個位影相都靚，不過啲枱一係過高一係過矮食嘢唔太方便，平日約十二點就開始有人排隊。🍽牛肉漢堡配牛油果角漢堡好足料，竹炭麵包夾住厚厚嘅漢堡扒，紅洋蔥、大啡菇片、芝士、番茄、沙律菜等，牛肉都算juicy，但味道較淡同生左啲，麵包畀啲醬汁整到淋晒。反而炸牛油果角幾得意，外脆內creamy，配埋個醬幾好食。🍽雞蛋布丁布丁蛋香重又夠滑溜，上面嘅忌廉輕盈到似泡沫，Espersso分開上，好似affogato 咁自己加落去，咖啡嘅苦澀中和左焦糖汁嘅甜膩，果然係呢度嘅招牌作🍽咖啡巴斯克芝士蛋糕蛋糕面頭有焦香，咖啡同芝士味平分秋色，質感creamy，推薦！☕️Matcha Latte拉花好靚，啱啱飲嘅時候奶味好重，原來啲粉喺底未撈勻，但都係味道較淡，無咩回甘。☕️Latte咖啡味道應該偏nutty，有淡淡嘅烘焙香，比抹茶拿鐵出色。P.S.甜品同環境都唔錯，上菜次序係甜品行先，有啲奇怪，雖然我唔係好介意，但如店員落單時問下客人嘅preference就更好啦。