Video
Read full review
2018-07-13
83 views
早幾日，有幾個朋友係軒尼詩道遊樂場的籃球場打街波比賽，叫我同另一個朋友支持下。比賽八點開始，我同朋友見個幾個朋友仲練緊波，所以就去醫下肚先。原來係籃球場隔離個條橫街安樂里有幾間食肆，我地見入少少有一間掛左好多燈籠又有好香串燒味的叄嵐居酒屋，就想揀佢。行到門口同舖頭入面裝潢都好有日本海邊小店的感覺，覺得唔錯。因為我地仲早，餐廳初時還未算太旺場，食食下就開始多人，我見餐廳有幾枱留座，所以應該可以早些預約，以免無位。我地兩個人揀左幾樣小食、串燒和兩個主食。小食方面，我地揀左日本小甜薯、唐揚炸雞軟骨、糯米釀無骨雞全翼。日本的小甜薯，一碟有4粒，細細粒可以一口食到，而且又好甜，番薯肉又軟熟，好好食。我平時都幾鍾意食炸雞軟骨，但係有時未必咁易食到好味的炸雞軟骨，因為炸得唔好會有好霉的感覺，又或者太淡太鹹。叄嵐的唐揚炸雞軟骨就無呢個問題，我個人覺得都幾推薦食。一來份量也不少，而且非常可口，味道又適中，好容易令人食上癮，食完又不斷食，一粒接一粒，好彩份量足夠，唔係就會一個人食晒。糯米釀無骨雞全翼有6隻，兩個人食每人都3隻，不過好味食多也不怕。雞翼帶少少微辣，但辣的程度係好可口，唔食得辣的朋友都會接受到
因為我地仲早，餐廳初時還未算太旺場，食食下就開始多人，我見餐廳有幾枱留座，所以應該可以早些預約，以免無位。我地兩個人揀左幾樣小食、串燒和兩個主食。小食方面，我地揀左日本小甜薯、唐揚炸雞軟骨、糯米釀無骨雞全翼。
日本的小甜薯，一碟有4粒，細細粒可以一口食到，而且又好甜，番薯肉又軟熟，好好食。
小甜薯
$16
3 views
0 likes
0 comments
我平時都幾鍾意食炸雞軟骨，但係有時未必咁易食到好味的炸雞軟骨，因為炸得唔好會有好霉的感覺，又或者太淡太鹹。叄嵐的唐揚炸雞軟骨就無呢個問題，我個人覺得都幾推薦食。一來份量也不少，而且非常可口，味道又適中，好容易令人食上癮，食完又不斷食，一粒接一粒，好彩份量足夠，唔係就會一個人食晒。
唐揚炸雞軟骨
$48
13 views
0 likes
0 comments
糯米釀無骨雞全翼有6隻，兩個人食每人都3隻，不過好味食多也不怕。雞翼帶少少微辣，但辣的程度係好可口，唔食得辣的朋友都會接受到，因為辣味和雞翼非常夾，調味又很好。平時都會怕糯米飯會太飽，但這個雞翼又不會令人有這個感覺，可能係因為調味的問題，就算要食晒3隻都食得落。
糯米釀無骨雞全翼
$68
11 views
0 likes
0 comments
串燒雖然餐廳熱門食雞肉，而且餐廳採用日本阿波酢雞，我都好想食雞串，但係小食已經叫左兩款雞料理，所以就揀左菜蔬串燒。我地揀了翠玉瓜、粟米和煙肉露筍卷。
翠玉瓜經烤之後，表面變得香脆，但內裡的水份仍然可以得以保存，所以變得好好食，好水潤的感覺。加上燒烤時，加上的調味和串燒很夾，值得嘗試。
翠玉瓜
$18
8 views
0 likes
0 comments
叄嵐的燒粟米是原條燒的，而且上碟時已經預先切割了，分別大家一同分享。而且燒粟米最重要的當然是主角粟米，食落口時，不會覺得很乾身，粟米內仍然有水份，而且粟米很甜，這個得重要，令到成個粟米得美味。
原條牛油粟米
$38
17 views
0 likes
0 comments
原本我地order的是煙肉露筍卷，但因為當日餐廳沒有露筍，因此轉了韮菜花。煙肉串很好味，不過可能有少少論盡，建議大家用碗或碟墊住。
煙肉韮菜花卷
$28
10 views
0 likes
0 comments
主食方面，我地揀左特盛灼燒鰻魚飯丼和松葉蟹肉蟹籽飯。
因為見到網上有介紹這個特盛灼燒鰻魚飯丼，真係聞名不如見面，原條鰻魚鋪上面，條鰻魚仲大過個飯，真係好正好震撼，除了可以比大家影相呃like之餘，食都非常好味。鰻魚不會太過霉霉林林的感覺，而係有口感，配合鰻魚汁能夠更突出鰻魚的美味。雖然兩份分每人只有一半，份量也不少的，但因太好味，居然可以食晒。餐廳更細心地附上額外的鰻魚汁，想點多些汁也可以，不過由於本身鰻魚飯的醬汁已經很足夠，所以我地點唔晒額外的鰻魚汁。
特盛灼燒鰻魚飯丼
$108
11 views
0 likes
0 comments
另外，松葉蟹肉蟹籽飯都一樣好好食，飯入面有松葉蟹肉、蟹籽、蟹柳和生菜等材料。要舀起一半時發現真係舀極也不完，可謂份量十足，同樣也是非常飽。而且幾種材料加埋醬汁一起食，而且松葉蟹肉呈絲狀，更容易與飯撈埋一齊食，真係一啖飯一啖肉，好正，既好味又飽肚。
松葉蟹肉蟹籽飯
$78
5 views
0 likes
0 comments
這間日本海邊小店餐廳，真係令人驚喜，估不到在籃球場旁也有這麼美味的餐廳，加上環境和食物亦能令人有海邊餐廳的感覺，完全忘記了出面係繁華都市，食完之後我地就行返幾步去支持朋友們比賽了。值得一提，叄嵐是無加一服務費，而且係自助服務，揀好食物時，到收銀處比錢，取回號碼牌，之後店員便會送上食物，而且餐廳亦希望食客自助回收餐具，把餐具放到回收處。還有，餐廳有隻好可愛的小貓咪陪住大家食嘢，好有自在的感覺。
Post
