Video
Read full review
2021-01-29
457 views
🫖籠太子蝦餃皇 *2隻 $15食蝦餃最怕食到成口粉，但呢到嘅蝦餃無呢個問題，而且的確幾驚豔。睇相都見到啲隻隻蝦餃漲卜卜，食落餃皮薄又彈牙，而且料多，入面應該有差唔多2-3隻蝦嘅份量。值得稱讚嘅係，啲蝦唔會有冰鮮味，反而食得出鮮甜蝦味，咁嘅水準真係出面比較少有，大力推介！👅評分：9/10🫖鮮蝦燒賣皇 *2隻 $15燒賣同蝦餃一樣，皮薄餡靚，同樣食到啖啖鮮甜蝦味。燒賣入面嘅冬菇同肉類都十分入味，但出面部分茶樓都做到呢種質素，所以同蝦餃對比上嚟，燒賣就冇咁突出。👅評分：8/10🫖多汁小籠包 *4隻 $22一啖咬落去就有好多湯汁咇出嚟，同其他點心一樣，都係皮薄多餡，以呢個價錢嚟講性價比唔差。但比較特別嘅係，小籠包嘅湯汁有陣比較濃嘅薑味，灌入喉嚨會有少少㷫㷫地嘅感覺，不過對於唔食薑嘅我嚟講都尚算可以接受，如果好抗拒薑味嘅就要留意下喔。👅評分：7/10🫖流沙奶黃包 *3個 $24叫得流沙奶黃包，就梗係會希望見到爆餡嘅奶黃漿啦。一撕開個包，見到奶黃漿都有流出嚟，但食落都會覺得有少少乾，如果餡料再多啲會比較好。奶黃味偏甜，如果鍾意鹹香奶黃味嘅就可能會比較唔適合喔。👅評分：6.5/10🫖不是炸兩 $26
食蝦餃最怕食到成口粉，但呢到嘅蝦餃無呢個問題，而且的確幾驚豔。睇相都見到啲隻隻蝦餃漲卜卜，食落餃皮薄又彈牙，而且料多，入面應該有差唔多2-3隻蝦嘅份量。值得稱讚嘅係，啲蝦唔會有冰鮮味，反而食得出鮮甜蝦味，咁嘅水準真係出面比較少有，大力推介！
👅評分：9/10
🫖鮮蝦燒賣皇 *2隻 $15
燒賣同蝦餃一樣，皮薄餡靚，同樣食到啖啖鮮甜蝦味。燒賣入面嘅冬菇同肉類都十分入味，但出面部分茶樓都做到呢種質素，所以同蝦餃對比上嚟，燒賣就冇咁突出。
👅評分：8/10
🫖多汁小籠包 *4隻 $22
一啖咬落去就有好多湯汁咇出嚟，同其他點心一樣，都係皮薄多餡，以呢個價錢嚟講性價比唔差。但比較特別嘅係，小籠包嘅湯汁有陣比較濃嘅薑味，灌入喉嚨會有少少㷫㷫地嘅感覺，不過對於唔食薑嘅我嚟講都尚算可以接受，如果好抗拒薑味嘅就要留意下喔。
👅評分：7/10
🫖流沙奶黃包 *3個 $24
叫得流沙奶黃包，就梗係會希望見到爆餡嘅奶黃漿啦。一撕開個包，見到奶黃漿都有流出嚟，但食落都會覺得有少少乾，如果餡料再多啲會比較好。奶黃味偏甜，如果鍾意鹹香奶黃味嘅就可能會比較唔適合喔。
👅評分：6.5/10
🫖不是炸兩 $26
本來見到個價錢同鮮蝦腸粉差不多，覺得呢個炸兩比較貴，但食落又真係有surprise。入面唔係擺傳統嘅油炸鬼，而係類似千層酥咁脆卜卜嘅口感，入面仲釀咗鮮蝦餡。食落口感多層次，先係彈牙嘅腸粉，中間再食到脆脆嘅裹層，入面就有彈牙嘅蝦餡。整體味道配搭得啱啱好，三層食物互相襯托，唔會搶走互相嘅味道同口感，值得一試！
👅評分：8/10
🫖香煎蘿蔔糕 *3件 $22
飲茶必叫嘅蘿蔔糕，外層就煎到少少焦脆，入面食到一絲絲嘅蘿蔔口感。味道不俗，但出面茶樓大部分都食到呢個質素，所以唔算太特別。
👅評分：7/10
茶位$3/1位，另收加一
Overall嚟講食物質素幾好，價錢都唔算太貴，有一定嘅CP值，如果想過下點心癮都係不錯嘅選擇呀！
不是炸兩
$26
17 views
0 likes
0 comments
流沙奶黃包
$24
24 views
0 likes
0 comments
Post
