阿利水韓國料理 (Closed)

辦完正事，路經厚福街，心血來潮再訪<阿利水韓國料理>。餐廳係H8的三樓，一岀電梯，迎來㗎依然係韓國人老闆的笑容先黎六小碟，最好食都喺薯仔，甜甜地淋淋地。泡菜都好啱我食，唔會辣到飛起，好明顯為左就香港人口味啦。芽菜都好對板。唯獨係柚子味藕片就感覺怪怪的。另外，今次仲有碗南瓜湯？與其話喺湯不如話喺糊更貼切。質地濃稠，加上甜甜的南瓜味，一試忘懷，放於餐後可以成為一道很好的甜品。和上次一樣，叫了石鍋炆牛肋骨定食。清徹的湯，有牛柳條幾條同蘿蔔薄片，配埋葱花，味雖淡，無騷味，無味精，正！熱辣辣㗎石鍋裝住四大舊牛肉，一大舊紅蘿蔔，三條年糕。牛肋肉真係好淋好嫩，筋、油花同肉融為一體，吸收哂醬汁㗎味道，絕對喺送飯佳品。年糕都好QQ，攤凍啲仲煙韌。老闆非常熱情好客，仲送左一大碟泡菜俾我地呀！呢度㗎午市套餐性價比高，又食到韓國居家味道，👍🏻。