新仙清湯腩咖哩專門店 (Closed)

行過砵蘭街，如果你錯過呢間連續幾年攞到米之蓮嘅清湯腩，你就走寶了。門口嘅相、同埋獎牌加上報道，都係令人好想入去食個腩！標榜招牌咖喱，冇味精，唔試唔安樂！金牌咖喱牛腩河44元濃和入味既咖喱，加上清湯河粉。咖喱我叫左小辣，香濃有層次。無論用咖喱撈河粉，定係河粉撈咖喱，一樣啖啖滋味。牛腩不用多說，你都估到佢係非常之啖啖肉，以瘦肉為主但又煮到入曬味，所以又軟又好味。牛腩各部分的說明圖，你想要邊 part 就邊 part , 牛迷一定興奮滿足！蜂蜜薑汁薏米18元呢杯特飲非常推薦，薏米勁多，薑味温和，食完咖哩飲翻啖，涼浸浸！