靠得住粥麵小館 (Closed)

成日都係屯門搵食，次次都經過呢間都係未入過去食，見到佢幾次套餐都幾抵食就試試佢入到黎先知道佢係米之蓮粥店嚟㗎🍲唔知佢啲嘢食質素係咪同佢店名一樣咁靠得住呢😋我就叫咗個《香菇滷水雞翼菜飯》$58佢有兩個香菇，兩個香菇勁大好似變咗種咁😂兩舊香菇都炆得好淋好入味～雞翼都相信係滷左好耐滷水味浸晒入去😍菜飯都整得好味，唔會係乾爭爭，菜同飯比例適中👍朋友就叫咗《梅菜扣肉》$60冇諗過會係成砵咁上！！扣肉勝在夠多肥膏，入口即溶，邪惡之選！ ！食完就真係知點解佢會係第一更獲得米之蓮嘅粥店😋