泰潮 (嘉咸街) (Closed)

今晚放工約左個同朋友去中環嘉咸街泰潮食晚飯，皆因之前上openrice 介紹呢度係米之連泰菜餐廳，而且價廉物美，所以一早已經決定有機會一定要黎食下😋。疫情下，餐廳都做足功夫，量體溫同擦搓手液都要做足先可以入餐廳內，同時安排坐位都要隔一張枱，所以食客都食得安心又放心😃。今晚同朋友各自一人order左一人套餐😋。🐔米之連海南雞飯（配：泰式清雞湯、上湯時菜、泰式奶茶）黎到呢度一定要食呢個米之連推介，先講飯底，粒粒米飯🍚都充滿油潤雞油飯香味，但一d都唔會覺得膩；而雞非常有雞味，雞皮夠晒薄，我都好放肆，忍唔住蘸埋個泰式醬，連皮都食埋😋，整體黎講成碟飯非常滿意👍🏻。🍜冬陰功豬肉丸湯金邊粉 （配：串燒豬頸肉，店員好好，送一碗清雞湯比我地😄）每次去任何一間食泰菜都好，冬陰功湯每次都必選。呢度冬陰功湯底味道正宗得黎唔太辣，相信係要迎合番香港人口味而作適當調教，而豬肉丸彈牙兼豬肉味濃，而且仲有三大隻🦐，鮮甜爽口，成碗粉朋友連湯都清埋😋。最後仲有一個椰汁味甜品，口感好似大菜糕，椰味重但唔太甜😋好味。總括黎講，每人都係$90倒就食倒米之連級數晚餐😋，大滿足👍🏻