Video
Read full review
2008-06-11
4 views
今日揀這裡晚餐係因為想轉一轉口味，日式、西式有點食寡了；其次就因為忽然想食米紙卷。二人叫了馬文香料配咖喱焗牛腩$95、香芒帶子米紙卷$60，另配兩個白飯@12。馬文香料配咖喱焗牛腩—落單時先詢問了一下侍應，因為一齊食那位唔食得辣，侍應說馬文這款咖喱係menu中最唔辣的一款，而紅咖喱係最辣的，咁都安心一點。咖喱中混有椰汁，配料除了牛腩，亦有薯仔、蘿蔔。由我第一件夾起的牛腩初初的口感真的有點鞋、有點乾，當時就心內弊翳：死啦！我會唔會冇牛俾我爬飯架！？<-最後都好彩~裡面有幾件牛都有點少肥、嫰口一點，肥的切位都係一件起兩件止，對於平日唔食肥野的我都ok接受到，碗飯亦因為咁成功俾我爬得晒~well done(讚下自己)！menu中每款咖喱都配有一款法包，個法包都幾有heart~脆皮又帶有熱力，用來沾汁一齊食真係perfect！至於個米紙卷對比我上次食的牛油果軟殼蟹米紙卷就稍為遜色了。今次的米紙卷不及上次那麼脆甚至做唔出米紙卷像紙張被撕開那種乾淨俐落的口感。既然消失了米紙卷的特色，那麼也沒有食米紙卷的樂趣，即食了等於冇食，故此無論材料怎樣新鮮、交足貨亦實在無補於事，因為真的挽回不了分數。
二人叫了馬文香料配咖喱焗牛腩$95、香芒帶子米紙卷$60，另配兩個白飯@12。
馬文香料配咖喱焗牛腩—落單時先詢問了一下侍應，因為一齊食那位唔食得辣，侍應說馬文這款咖喱係menu中最唔辣的一款，而紅咖喱係最辣的，咁都安心一點。
咖喱中混有椰汁，配料除了牛腩，亦有薯仔、蘿蔔。由我第一件夾起的牛腩初初的口感真的有點鞋、有點乾，當時就心內弊翳：死啦！我會唔會冇牛俾我爬飯架！？<-最後都好彩~裡面有幾件牛都有點少肥、嫰口一點，肥的切位都係一件起兩件止，對於平日唔食肥野的我都ok接受到，碗飯亦因為咁成功俾我爬得晒~well done(讚下自己)！
menu中每款咖喱都配有一款法包，個法包都幾有heart~脆皮又帶有熱力，用來沾汁一齊食真係perfect！
至於個米紙卷對比我上次食的牛油果軟殼蟹米紙卷就稍為遜色了。今次的米紙卷不及上次那麼脆甚至做唔出米紙卷像紙張被撕開那種乾淨俐落的口感。既然消失了米紙卷的特色，那麼也沒有食米紙卷的樂趣，即食了等於冇食，故此無論材料怎樣新鮮、交足貨亦實在無補於事，因為真的挽回不了分數。<--雖然這係我的愚見，但因為米紙卷內的芒果、帶子事實係食得出新鮮，但因米紙那part而令它們黯然失色亦實在有點慘不忍睹，而且個醬汁還整得頗惹味，那堆伴菜像粉絲的印尼蝦片絲都很脆口，可見花了心思，但結果整個dish在我心目中由價值$60跌至$30-$40~orz…因為整個dish已經得三件每件料都已經細細件，但最後沒在我味蕾留下印記又實在令我覺得唔值。
白飯都ok，平日我已唔鍾意食飯，慶幸飯唔稔咋！不然我又係冇飯落肚的了。
表面兩個人入去，但其實有一位入去前已醫飽半邊肚，所以至可以叫咁少野。不然試問怎叫一個男人食咁少野！？
食後感：
其實餐廳的菜式對於不熱衷東南亞菜式的我都ok唔錯，但問題在餐廳睇勻成個menu真係sell貴精不貴多，我咁樣係咁易作下狀食都兩舊，我諗成棚人食可能真係要用k做單位…
或者咁講，正如我喜歡食日式、意式的菜式，我相信幾貴我都覺得值。同樣喜歡食東南亞菜式的人，又想坐得舒服、傾到偈，又想烹調有點特色但又唔會郁下次次去九龍城，我諗佢可能會照食這裡可也。
其實睇佢menu，dining佢又唔一定要食正餐，飲杯drinks食個甜品都似係有版有眼，我覺得tea可以諗諗這裡！
俾ok都係因為個咖喱，不然如我當初入門口前寄望食米紙卷直到食時那種失準，其實我會俾喊面的，只係兩個dish一個得一個唔得就扯平俾ok，何況事實咖喱那菜式又未至於在我心目中單憑它一碟就好味到足以令我俾笑面。
服務都ok，走時個經理都同我講byebye。
Post
