貴緣小鍋米線 (崇潔街) (Closed)

好一排都無食米線啦，突然好想食，即刻係腦海search 下，load 到紅磡既～貴緣小窩米線～，今晚放工又走去食，掛住佢酸辣湯。酸辣小窩米線，酸辣口味好啱我，中少辣都唔會太辣。要左腩肉加酸齋，酸齋出面米線鋪比較少食到，腩肉係呢度推介。👍朋友鐘意呢度有芽菜底，多食菜好徤康。朋友都主打叫呢度既推介，超軟滑既豬軟骨、彈牙既墨魚丸同營養價值超高螺旋藻。呢度小食，性價比好高，廿零蚊，細細碟但份量絕對唔少，咁就可以試多幾款。貴緣雞絲火山，除成個山既雞絲外，入面仲夾住啲炸菜，口感唔錯。蒜香醬油雞翼，蒜泥配雞翼一樣好味。孜然涼皮條，幾特別，浸一浸湯仲好味。